ന്യൂഡൽഹി: പാചകവാതക സിലിണ്ടറിന് ഇന്നു മുതൽ രണ്ടു രൂപ കൂടും. വിതരണക്കാരുടെ കമ്മിഷനിൽ രണ്ടുരൂപ വർദ്ധിപ്പിച്ചതോടെയാണിത്.സബ്സിഡിയുള്ളതിനും ഇല്ലാത്തതിനും വിലവർദ്ധന ബാധകമാകും.

ഈമാസം രണ്ടാം തവണയാണ് വില കൂട്ടുന്നത്. നികുതി വർദ്ധനയെ തുടർന്ന് നവംബർ ഒന്നിന് സബ്‌സിഡിയുള്ള സിലിണ്ടറിന് 2.94രൂപയും സബ്സിഡി ഇല്ലാത്തതിന് 60രൂപയും വർദ്ധിപ്പിച്ചിരുന്നു.പുതിയ നിരക്കനുസരിച്ച് 14.2 കിലോ സിലണ്ടറിൽ 50.58 രൂപയും അഞ്ചുകിലോ സിലിണ്ടറിൽ 25.29 രൂപയും വിതരണക്കാർക്ക് കമ്മിഷൻ ലഭിക്കും.14.2 കിലോ സിലണ്ടറിന്റെ കമ്മിഷനിൽ 30.08 രൂപ എസ്‌‌റ്റാബ്ളിഷ്മെന്റ് നിരക്കും 20.50രൂപ സിലിണ്ടർ വീട്ടിലെത്തിക്കാനുള്ള നിരക്കുമാണ്.