കോഴിക്കോട്: ആമ്പല്ലൂർ ആസ്ഥാനമായി പ്രവർത്തിക്കുന്ന സമ്പുഷ്ട ഗ്രൂപ്പി​ന് കീഴി​ലുള്ള സമ്പുഷ്ട കുറീസ് പ്രൈവറ്റ് ലിമിറ്റ‌ഡ് വ്യത്യസ്ത സാമ്പത്തി​ക നി​ലയി​ലുള്ളവർക്ക് അനുയോജ്യമായ 100 ഡിവിഷൻ കുറികൾ തുടങ്ങുന്നു.

വ്യവസായ മേഖലയുടെ വികസനത്തിന് ഊർജം പകരുകയെന്ന ലക്ഷ്യത്തോടെ സമ്പുഷ്ട ഗ്രൂപ്പ് വിവിധ പദ്ധതികളാണ് ആവി​ഷ്കരി​ച്ചി​ട്ടുള്ളത്. രണ്ടു വർഷത്തിനുള്ളിൽ ചിട്ടി വ്യവസായ മേഖലയിൽ നിന്നും കോടികളുടെ ബിസിനസ് നേട്ടം ലക്ഷ്യമി​ടുന്ന പ്രോജക്ടി​ന് ജനറൽ ബോഡി യോഗം അംഗീകാരം നൽകി.

പുതിയ പ്രോജക്ടി​നു കീഴിൽ വരുന്ന ആദ്യ ചിട്ടിയുടെ അംഗത്വ വിതരണം ചെയർമാൻ ഫ്രാങ്ക്ളിൻ ഫ്രാൻസിസ് ഉദ്ഘാടനം ചെയ്തു മാനേജിങ് ഡയറക്ടർ സന്തോഷ് കുമാർ ഇ. ജി, ഡെപ്യൂട്ടി ചെയർമാൻ സുധീർ. പി. ബി എന്നിവർ സംസാരിച്ചു.