പറവൂർ: എസ്.എൻ.ഡി.പി യോഗം നന്ത്യാട്ടുകുന്നം ശാഖയിലെ പ്ളാറ്റിനം ജൂബിലി ആഘോഷവും നവീകരിച്ച ശാഖാമന്ദിരത്തിന്റെ ഉദ്ഘാടനവും നാളെ നടക്കും. രാവിലെ പത്തിന് പ്ളാറ്റിനം ജൂബിലി ആഘോഷങ്ങൾ യൂണിയൻ സെക്രട്ടറി ഹരി വിജയനും നവീകരിച്ച ശാഖാമന്ദിരം യൂണിയൻ പ്രസിഡന്റ് സി.എൻ. രാധാകൃഷ്ണനും ഉദ്ഘാടനം ചെയ്യും. ശാഖാ പ്രസിഡന്റ് എം.കെ. ആഷിക് അദ്ധ്യക്ഷത വഹിക്കും. കാളികുളങ്ങര മഠം സെക്രട്ടറി സ്വാമി ഗുരുപ്രശാന്തം അനുഗ്രഹ പ്രഭാഷണവും യോഗം കൗൺസിലർ ഇ.എസ്. ഷീബ മുഖ്യപ്രഭാഷണവും നടത്തും. മുതിർന്ന അംഗങ്ങളെ ആദരിക്കൽ യോഗം ഇൻസ്പെക്ടിംഗ് ഓഫീസർ ഡി.ബാബു നിർവഹിക്കും. യൂണിയൻ വൈസ് പ്രസിഡന്റ് ഷൈജു മനയ്ക്കപ്പടി, യോഗം ഡയറക്ടർ ബോർഡ‌് അംഗങ്ങളായ പി.എസ്. ജയരാജ്, എം.പി. ബിനു, മേഖല കൺവീനർ ഡി. പ്രസന്നകുമാർ, മുൻ ശാഖാ പ്രസിഡന്റ് പി.ജി. ബാലകൃഷ്ണൻ, ശാഖാ സെക്രട്ടറി കെ.ബി. വിമൽകുമാർ, വൈസ് പ്രസിഡന്റ് ഓമന ശിവൻ, വനിതാസംഘം സെക്രട്ടറി വിലാസിനി തുടങ്ങിയവർ സംസാരിക്കും. ഉച്ചയ്ക്ക് രണ്ടരയ്ക്ക് ഗുരുദേവ ദർശനങ്ങളുടെ സമകാലിക പ്രസക്തി എന്ന ഡോ. ഗീതാ സുരാജ് പ്രഭാഷണം നടത്തും.