മൂവാറ്റുപുഴ: കേരള എൻ.ജി.ഒ യൂണിയൻ മൂവാറ്റുപുഴ ഏരിയ കമ്മിറ്റിയുടെ നേതൃത്വത്തിൽ വില്ലേജ് ഓഫീസുകളിൽ ഫർണീച്ചറുകൾ നൽകി. കല്ലൂർക്കാട്, ആരക്കുഴ ,വെള്ളൂർക്കുന്നം എന്നീ വില്ലേജ് ഓഫീസുകളിൽ പൊതുജനങ്ങൾക്ക് ഇരിക്കാനുള്ള ഫർണീച്ചറുകളാണ് വിതരണം ചെയ്തത്. ജനപക്ഷ സിവിൽ സർവീസിന്റെ ഭാഗമായി വില്ലേജ് ഓഫീസുകളുടെ ഭൗതിക സാഹചര്യം മെച്ചപ്പെടുത്തുന്നതിനാണ് യുണിയൻ തുടക്കമിടുന്നത്. മൂവാറ്റുപുഴ സിവിൽ സ്റ്റേഷനിൽ നടന്ന ചടങ്ങ് എൽദോ എബ്രാഹം എം.എൽ.എ ഉദ്ഘാടനം ചെയ്തു. വെള്ളൂർക്കുന്നം വില്ലേജ് ഓഫീസിലേക്കുള്ള ഫർണിച്ചർ വില്ലേജ് ഓഫീസർ എ.പി. സന്തോഷിന് ഏറ്റുവാങ്ങി. യുണിയൻ ഏരിയ പ്രസിഡന്റ് കെ.കെ.പുഷ്പ അദ്ധ്യക്ഷത വഹിച്ചു. ആരക്കുഴ പഞ്ചായത്ത് സ്റ്റാന്റിംഗ് കമ്മിറ്റി ചെയർമാൻ സിബി കുര്യാക്കോസ് ,മുവാറ്റുപുഴ തഹസിൽദാർ മധുസൂദനൻ , യുണിയൻ സംസ്ഥാന കമ്മിറ്റിയംഗം സി.കെ സതീശൻ, ജില്ലാ സെക്രട്ടേറിയറ്റംഗം ടി.എം.സജീവ് , എരിയ സെക്രട്ടറി കെ.എം.മുനീർ, ജോയിന്റ് സെക്രട്ടറി കെ.എസ്.സുരേഷ്, വൈസ് പ്രസിഡന്റ് ടി.വി . വാസുദേവൻ , ട്രഷറർ ആർ. സുനിൽ കുമാർ , എം.കെ.ഹസൈനാർ , എം. എം കുഞ്ഞുമൊയ്തീൻ, ആർ രാഗേഷ്എന്നിവർ സംസാരിച്ചു. ആരക്കുഴ വില്ലേജ് ഓഫീസിലേക്കുള്ള ഫർണിച്ചർ വില്ലേജ് ഓഫീസർ പി.എം.റഷീദ് ഏറ്റുവാങ്ങി. കല്ലൂർക്കാട് വില്ലേജ് ഓഫീസിലേക്കുള്ള ഫർണീച്ചർ വില്ലേജ് ഓഫീസർ പി.എം.മഞ്ജു ഏറ്റു വാങ്ങി.