കോഴിക്കോട്: ഭിന്നശേഷിക്കാർക്കായുള്ള പുതിയ ബഡ്‌​സ്, ബി.ആർ.സി. കേന്ദ്രങ്ങളുടെ നിർമാണം പാതി വഴിയിൽ.അടിസ്ഥാന സൗകര്യങ്ങളോ അദ്ധ്യാപകരോ ആയമാരോ ഇല്ലാതെ നിലവിലുള്ളസ്കൂളുകൾ. ഈ വർഷം അവസാനിക്കുമ്പോൾ 148 ബഡ്‌​സ് സ്​കൂളും 52 ബി.ആർ.സി. കേന്ദ്രങ്ങളും ആരംഭിക്കാനായിരുന്നു സർക്കാർ പദ്ധതി. എന്നാൽ 15 ബഡ്‌​സ് സ്​കൂളുകളും എട്ട് ബി.ആർ.സി കേന്ദ്രങ്ങളും മാത്രമാണ് നിർമ്മിച്ചത്. സർക്കാറിൽ നിന്നും ഫണ്ട് ലഭിക്കാത്തതാണ് പദ്ധതി വൈകാൻ കാരണം. കുടുംബശ്രീയുടെ മേൽനോട്ടത്തിലാണ് കേന്ദ്രങ്ങൾ പ്രവർത്തിക്കുന്നത്.
കോഴിക്കോട് ചേളന്നൂർ ഗ്രാമപഞ്ചായത്തിനു കീഴിൽ നിർമ്മിച്ച പുതിയ കെട്ടിടത്തിൽ ശാരീരിക വെല്ലുവിളി നേരിടുന്ന വിദ്യാർത്ഥികൾക്ക് യൂറോപ്യൻ ടോയ്‌​ലറ്റ് നിർമിച്ചിട്ടില്ല.കാര്യങ്ങളുടെ പോക്ക് ഇങ്ങനെയാണ് . ഡിസംബർ 31 ആകുമ്പോഴേക്കും പദ്ധതി പൂർത്തീയാക്കുമെന്ന് .കുടുംബശ്രീ ജില്ലാ കോർഡിനേറ്റർപി.സി. കവിത പറഞ്ഞു. സർക്കാറിൽ നിന്നും ഫണ്ട് ലഭിച്ചിട്ട് രണ്ടാഴ്ച മാത്രമേ ആയിട്ടുള്ളൂ. ഓരോ പഞ്ചായത്തുകൾക്കും 12.5 ലക്ഷം രൂപ വീതംനൽകിയിട്ടുണ്ട്.

ബഡ്‌​സ് സ്​കൂളുകൾ നിർമാണം വേഗത്തിലാകണം. ഒറ്റപ്പെട്ട സ്ഥലങ്ങൾ തിരഞ്ഞെടുക്കുന്നതിന് പകരം സാധാരണ കുട്ടികളോട് ഇടപഴകാൻ അവസരമുണ്ടാകുന്ന രീതിയിൽ സാധാരണ സ്​കൂളിനോട് ചേർന്ന്

ബഡ്‌​സ് സ്​കൂളുകൾനിർമിക്കണം
പി.ഡി. ഫ്രാൻസിസ്
സംസ്ഥാന ജനറൽ സെക്രട്ടറി
പരിവാർ (ഭിന്നശേഷി വിദ്യാർഥികളുടെ രക്ഷകർത്താക്കളുടെ കൂട്ടായ്മ)