കോഴിക്കോട്: ഫയർഫോഴ്‌​സിൽ വനിതകൾക്കായി പ്രത്യേക വിഭാഗം രൂപീകരിക്കുമെന്ന് മന്ത്രി ടി.പി.രാമകൃഷ്ണൻ .പറഞ്ഞു 100 വനിതകളെ ഉടൻ നിയമിക്കുമെന്നും അദ്ദേഹം പറഞ്ഞു. കേരള ഫയർഫോഴ്‌​സ് ഓഫീസേഴ്‌​സ് അസോസിയേഷൻ (കെ.എഫ്.ഒ.എ) ഉത്തരമേഖലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. അംഗബലം വർദ്ധിപ്പിക്കണമെന്ന ആവശ്യം ന്യായമാണ്. എന്നാൽഇതിന് സാങ്കേതികമായ ചില ബുദ്ധിമുട്ടുകളുണ്ട്. ഈ സാഹചര്യത്തിൽ ദുരന്തമുഖത്ത് ഇടപെടാൻ തയാറായുള്ളവരെശാസ്ത്രീയ പരിശീലനം നൽകി ഉപയോഗിക്കും വിധത്തിൽ പ്രാപ്തരാക്കണം. കെ.എഫ്.ഒ.എ മേഖലാ പ്രസിഡന്റ് പി.പ്രദീപ് അദ്ധ്യക്ഷത വഹിച്ചു. ഫയർഫോഴ്‌​സ് ടെക്‌​നിക്കൽ ഡയറക്ടർ ആർ . പ്രസാദ് മുഖ്യാതിഥിയായിരുന്നു. കോഴിക്കോട് റീജയണൽ ഫയർ ഓഫീസർ അരുൺ അൽഫോൺസ്, പാലക്കാട് റീജയണൽ ഫയർ ഓഫീസർ വി.സിദ്ദകുമാർ , കണ്ണൂർ റീജിണൽ ഫയർ ഓഫീസർ ജെ.എസ്. സുജിത്കുമാർ , കെ.പി.ബാബുരാജ്, കെ.ഹരികുമാർ , കെ.വി. ലക്ഷ്മണൻ , പി.എസ്.സാബുലാൽ, കെ.വി. മനോഹരൻ , കെ.പി. ജയപ്രകാശൻ എന്നിവർ പ്രസംഗിച്ചു.