പരീക്ഷ തീയതി
ഒന്നാം വർഷ ബി.എസ്‌സി. എം.ആർ.ടി. സപ്ലിമെന്ററി (2016 അഡ്മിഷൻ/2016ന് മുമ്പുള്ള അഡ്മിഷൻ) പരീക്ഷകൾ 18ന് ആരംഭിക്കും. അപേക്ഷ പിഴയില്ലാതെ 3 വരെയും 500 രൂപ പിഴയോടെ 4 വരെയും 1000 രൂപ സൂപ്പർഫൈനോടെ 5 വരെയും സ്വീകരിക്കും.
മൂന്നാം സെമസ്റ്റർ എം.എസ്‌സി. (സി.എസ്.എസ്. 2017 അഡ്മിഷൻ റഗുലർ/2014, 2015, 2016 അഡ്മിഷൻ സപ്ലിമെന്ററി/2012, 2013 അഡ്മിഷൻ മേഴ്‌സി ചാൻസ് പരീക്ഷകൾ 12ന് ആരംഭിക്കും. ഉച്ചയ്‌ക്ക് 1.30 മുതൽ 4.30 വരെയാണ് പരീക്ഷ. വെള്ളിയാഴ്ചകളിൽ 2 മുതൽ 5വരെ.
മൂന്നാം സെമസ്റ്റർ എം.എ./എം.സി.ജെ./എം.എസ്.ഡബ്ല്യു./എം.ടി.എ./എം.ടി.ടി.എം. (സി.എസ്.എസ്. 2017 അഡ്മിഷൻ റഗുലർ/2014, 2015, 2016 അഡ്മിഷൻ സപ്ലിമെന്ററി/2012, 2013 അഡ്മിഷൻ മേഴ്‌സി ചാൻസ്) പരീക്ഷകൾ 12ന് ആരംഭിക്കും.
മൂന്നാം സെമസ്റ്റർ എം.കോം. (സി.എസ്.എസ്. 2017 അഡ്മിഷൻ റഗുലർ/2014, 2015, 2016 അഡ്മിഷൻ സപ്ലിമെന്ററി/2012, 2013 അഡ്മിഷൻ മേഴ്‌സി ചാൻസ്) പരീക്ഷകൾ 12ന് ആരംഭിക്കും.
ഒക്‌ടോബർ/നവംബർ ഒന്നാം സെമസ്റ്റർ ബിരുദ പരീക്ഷകൾ ഡിസംബർ 17നും ബിരുദാനന്തര ബിരുദ പരീക്ഷകൾ ഡിസംബർ 20നും ആരംഭിക്കും. വിശദമായ ടൈംടേബിൾ സർവകലാശാല വെബ്‌സൈറ്റിൽ.

വൈവാവോസി
സ്‌കൂൾ ഓഫ് ഇന്ത്യൻ ലീഗൽ തോട്ടിലെ എൽ.എൽ.എം (ഏകവത്സരം 2017-18 അഡ്മിഷൻ) കോഴ്‌സിന്റെ അവസാന സെമസ്റ്റർ വൈവാ വോസി പരീക്ഷ 29ന് രാവിലെ 10ന് നടക്കും.

പുനർമൂല്യനിർണയവും സൂക്ഷ്മപരിശോധനയും
2009 പ്രവേശനബാച്ചിന്റെ മൂന്നാം സെമസ്റ്റർ ബി.എ. (സി.ബി.സി.എസ്.എസ്.) സപ്ലിമെന്ററി (ഒക്‌ടോബർ 2017) പരീക്ഷയെഴുതിയ വിദ്യാർത്ഥികളുടെ ഉത്തരക്കടലാസ് പുനർമൂല്യനിർണയത്തിനും സൂക്ഷ്‌മപരിശോധനയ്ക്കും 10 വരെ അപേക്ഷിക്കാം.

സൂക്ഷ്മപരിശോധന
2018 മെയിൽ വിവിധ വിഷയങ്ങളിൽ നടന്ന ബി.ടെക് ആറാം സെമസ്റ്റർ പരീക്ഷയുടെ ഉത്തരക്കടലാസ് സൂക്ഷ്‌മപരിശോധനയ്ക്ക് അപേക്ഷിച്ചിട്ടുള്ള വിദ്യാർത്ഥികൾ 30, ഡിസംബർ ഒന്ന് തീയതികളിൽ സിൽവർ ജൂബിലി പരീക്ഷാഭവനിലെ റൂം നമ്പർ 223ൽ അസൽ രേഖകളുമായി പരിശോധനയ്ക്ക് എത്തണം.

പരീക്ഷഫലം
മൂന്നാം സെമസ്റ്റർ എം.എസ്‌ സി സുവോളജി സ്‌പെഷൽ പരീക്ഷയുടെ ഫലം പ്രസിദ്ധീകരിച്ചു.

ഒന്നാം സെമസ്റ്റർ സി.ബി.സി.എസ്. ബി.ബി.എ., ബി.ബി.എം., ബി.ടി.എസ്., ബി.എസ്.ഡബ്ല്യു., ബി.എഫ്.ടി. പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 12വരെ അപേക്ഷിക്കാം.