തിരുവനന്തപുരം: സോളാർ കേസിൽ മുൻമുഖ്യമന്ത്രി ഉമ്മൻചാണ്ടി അടക്കമുള്ള നേതാക്കളുടെ പങ്ക് വെളിപ്പെടുത്താൻ 41 മിനിറ്റ് ദൈർഘ്യമുള്ള വീഡിയോ സരിത.എസ്.നായർ പുറത്തുവിടുമെന്ന് സൂചന. തന്റെ പരാതിയിൽ പരാമർശിക്കുന്നവരുമായുള്ള 41 മിനിറ്റ് വീഡിയോ ദൃശ്യങ്ങൾ പുറത്തുവിടുമെന്ന് സരിത നേരത്തേ വെളിപ്പെടുത്തിയിരുന്നു. പറയുന്നത് സത്യമാണെന്ന് തെളിയിക്കാനാണ് വീഡിയോ ദൃശ്യങ്ങളടക്കമുള്ള തെളിവുകൾ പുറത്ത് വിടുന്നതെന്നും ഉമ്മൻചാണ്ടി നുണപരിശോധനയ്ക്ക് തയ്യാറാവണമെന്നും അന്വേഷണവുമായി താൻ സഹകരിക്കുമെന്നും സരിത വ്യക്തമാക്കിയിട്ടുണ്ട്. മുതിർന്ന നേതാക്കളുമായുള്ള ബന്ധം തെളിയിക്കുന്ന വീഡിയോ ദൃശ്യങ്ങൾ പുതിയ അന്വേഷണ സംഘത്തിന് കൈമാറാൻ തയ്യാറാണെന്നും സരിത വ്യക്തമാക്കിയിരുന്നു.