കാസർകോട്: അനുജത്തിയുടെ ഭർത്താവ് ജ്യേഷ്ഠത്തിയെ പീഡിപ്പിച്ചതായി പരാതി. ഭീഷണിപ്പെടുത്തി പീഡനം തുടർന്നതോടെ യുവതി പരാതിയുമായി പൊലീസിനെ സമീപിക്കുകയായിരുന്നു. മഞ്ചേശ്വരം പൊലീസ് സ്‌റ്റേഷൻ പരിധിയിൽപെട്ട 28കാരനെതിരെ പൊലീസ് കേസെടുത്തു.

കഴിഞ്ഞ മാർച്ചിൽ ഭർത്താവ് ജോലിക്കും രണ്ട് മക്കൾ സ്‌കൂളിലും പോയ സമയത്ത് 34 കാരിയായ യുവതിയെ പീഡിപ്പിച്ചതെന്നാണ് പരാതി. സൗദിയിൽ ജോലി ചെയ്യുന്ന യുവാവ് ഇപ്പോൾ നാട്ടിലാണ്. വാടക വീട്ടിലാണ് ഇയാൾ ഭാര്യയും കുട്ടുകൾക്കുമൊപ്പം കഴിയുന്നത്. യുവതിയുടെ പരാതിയിൽ ജില്ലാ പൊലീസ് ചീഫ് ഇടപെട്ടതോടെയാണ് കേസെടുത്തത്.