ന്യൂഡൽഹി: വെസ്റ്രിൻഡീസിനെതിരായ പരമ്പരയിലും മുന്നിൽ നിന്ന് നയിച്ച് ടീമിന ചാമ്പ്യൻമാരാക്കിയ ഇന്ത്യൻ നായകൻ വിരാട് കൊഹ്‌ലി ഐ.സി.സിയുടെ ഏകദിന ബാറ്രിംഗ് റാങ്കിംഗിൽ ഒന്നാം സ്ഥാനം നിലനിറുത്തി. രോഹിത് ശർമ്മ രണ്ടാംസ്ഥാനത്തുമുണ്ട്.അതേസമയം വിൻഡീസിനെതിരായ പരമ്പരയിൽ തിളങ്ങാനാകാതെ പോയ ശിഖർ ധവാൻ നാല് സ്ഥാനം നഷ്ടമായി ഒമ്പതാം സ്ഥാനത്തേക്കിറങ്ങി.

ബാളർമാരിൽ ജസ്പ്രീത് ബുംര കരിയറിലെ ഏറ്രവും മികച്ച റേറ്റിംഗ് പോയിന്റുമായി (841) ഒന്നാം സ്ഥാനത്ത് തന്നെയുണ്ട്. കുൽദീപ് യാദവാണ് മൂന്നാം സ്ഥാനത്ത്. യൂസ്‌വേന്ദ്ര ചഹൽ കരിയറിലെ മികച്ച റേറ്റിംഗ് പോയിന്റോടെ (683) മൂന്ന് സ്ഥാനം മുന്നോട്ട് കടന്ന് എട്ടാംസ്ഥാനത്തെത്തി. ആദ്യമായാണ് ചഹാൽ ആദ്യപത്തിൽ ഇടം നേടുന്നത്.

രവീന്ദ്ര ജഡേജ പതിനാറ് സ്ഥാനം മുന്നിലേക്ക് കടന്ന് പതിനാറാം റാങ്കിലെത്തി. ആൾറൗണ്ടർമാരിൽ അഫ്ഗാനിസ്ഥാന്റെ റാഷിദ് ഖാനാണ് ഒന്നാമത്. ടീമുകളിൽ ഇംഗ്ലണ്ട് ഒന്നാമതും ഇന്ത്യ രണ്ടാം സ്ഥാനത്തുമാണ്.