ബംഗളൂരു: കർണാടത്തിലെ മൂന്ന് ലോക്‌സഭ മണ്ഡലത്തിലും രണ്ട് നിയമസഭാ മണ്ഡലത്തിലുമായി നടന്ന ഉപതിരഞ്ഞെടുപ്പിൽ 66.8 ശതമാനം പോളിംഗ് രേഖപ്പെടുത്തി. ലോക്‌സഭാ മണ്ഡലങ്ങളായ ശിവമോഗ,​ ബെല്ലാരി,​ മാണ്ഡ്യ എന്നിവിടങ്ങളിൽ യഥാക്രമം 61.05,​ 63.85,​ 53.93 എന്ന നിരക്കിലായിരുന്നു പോളിംഗ്.

ലോക്‌സഭാ മണ്ഡലങ്ങളായ രാമനഗരയിലും ജാംഖണ്ഡിയിലും യഥാക്രമം 73.71,​ 81.58 എന്ന നിരക്കിലായിരുന്നു പോളിംഗ് രേഖപ്പെടുത്തിയത്. പോളിംഗ് തുടങ്ങിയപ്പോൾ തണുത്ത പ്രതികരണമായിരുന്നുവെങ്കിലും പിന്നീട് നില മെച്ചപ്പെട്ടു. പൊതുവെ സമാധാനപരമായിരുന്നു വോട്ടിംഗ്. പൊലീസ് നേതൃത്വത്തിൽ വോട്ടിംഗ് കേന്ദ്രത്തിലെല്ലാം ശക്തമായ സുരക്ഷയൊരുക്കിരുന്നു. മൊത്തം 6,​450 പോളിംഗ് കേന്ദ്രത്തിൽ നിന്നായി 54,​54,​275 പേർ വോട്ട് രേഖപ്പെടുത്തി. അഞ്ച് മണ്ഡലങ്ങളിൽ നിന്നായി 31 സ്ഥാനാർത്ഥികളാണ് ജനവിധി തേടുന്നത്.

സംസ്ഥാനത്ത് അധികാരത്തിലുള്ള കോൺഗ്രസ്​​​-ജെ.ഡി.എസ് സഖ്യത്തിന്റെ വിലയിരുത്തലായാണ് ഈ തിരഞ്ഞെടുപ്പിനെ കാണുന്നത്. നവംബർ ആറിനാണ് വോട്ടെണ്ണൽ.