ടാറ്റു

പതിനെട്ടാം നൂറ്റാണ്ടിലാണ് ടാറ്റു എന്ന വാക്ക് പിറന്നത്. സസ്യങ്ങളിൽ നിന്നുമെടുക്കുന്ന നിറങ്ങൾ ഉപയോഗിച്ചായിരുന്നു പച്ചകുത്തിയിരുന്നത്. ഇത് മാഞ്ഞ് പോവാതിരിക്കാൻ മൃഗങ്ങളുടെ അസ്ഥി, മുള്ള് എന്നിവ ഉപയോഗിക്കാറുണ്ട്. പ്രകൃതിദൃശ്യങ്ങൾ, മൃഗങ്ങളുടെ രൂപങ്ങൾ, ചിഹ്നങ്ങൾ എന്നിവയൊക്കെ പച്ച കുത്താറുണ്ട്.

പച്ചകുത്തൽ

ശരീരത്തിൽ മനോഹരമായി ചിത്രങ്ങൾ കോറിയിടുന്ന രീതിയാണ് പച്ചകുത്തൽ. ലോക വ്യാപകമായി ഇത് നിലനിൽക്കുന്നു ഉൾപ്രദേശങ്ങളിൽ ജീവിക്കുന്ന ഗോത്രവർഗക്കാർ മുതൽ അൾട്രാ മോഡേൺ എന്ന് വിശേഷിപ്പിക്കപ്പെടുന്നവർ വരെ പച്ചകുത്തുന്നു ചില ഗോത്ര വർഗക്കാരുടെ ആചാരംകൂടിയാണ് പച്ചകുത്തൽ. പച്ചകുത്തലിനെക്കുറിച്ച് ചരിത്രപരമായ രേഖകൾ ലഭിച്ചിട്ടില്ല എങ്കിലും പുരാതനകാലത്ത് ശരീരം ചായം പൂശിയിരുന്നു. ആ ശീലമാകാം പിന്നീട് പച്ചകുത്തലായി മാറിയതെന്ന് കരുതപ്പെടുന്നു.