ബ​സ്ത​ർ (ഛത്തീസ്ഗഢ്) : പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ഛത്തീ​സ്ഗ​ഢ് മു​ഖ്യ​മ​ന്ത്രി ര​മ​ൺസിം​ഗും അ​വ​രു​ടെ വ്യ​വ​സാ​യി​ക​ളാ​യ സുഹൃത്തുക്കളുടെ അ​നു​മ​തി​യി​ല്ലാ​തെ ഒ​ന്നും ചെ​യ്യി​ല്ലെ​ന്നു കോൺ​ഗ്ര​സ് പ്രസിഡന്റ് രാ​ഹു​ൽ ഗാ​ന്ധി ആരോപിച്ചു. ഛത്തീ​സ്ഗഢി​ലെ കാ​ങ്ക​ർ ജി​ല്ല​യി​ലെ പ​ഖാ​ഞ്ഞോ​റി​ൽ തി​ര​ഞ്ഞെ​ടു​പ്പ് റാ​ലി​യി​ൽ സം​സാ​രി​ക്കു​ക​യാ​യി​രു​ന്നു രാഹുൽ.

ഡ​ൽഹി​യി​ൽ മോ​ദി​ക്ക് പ​ത്തോ പ​തി​ന​ഞ്ചോ വ്യ​വ​സാ​യ സു​ഹൃ​ത്തു​ക്ക​ളു​ണ്ട്. ഇ​തേ​പോ​ലെ ഛത്തീ​സ്ഗ​ഡ് മു​ഖ്യ​മ​ന്ത്രി​ക്ക് പ​ത്തോ​പ​തി​ന​ഞ്ചോ വ​ലി​യ വ്യ​വ​സാ​യ ച​ങ്ങാ​തി​മാ​രു​ണ്ട്. ഇ​രു​വ​രും ഈ ​ച​ങ്ങാ​തി​മാ​രു​ടെ അ​നു​മ​തി ഇ​ല്ലാ​തെ ഒ​ന്നും ചെ​യ്യി​ല്ലെ​ന്നും രാ​ഹു​ല്‍ ആ​രോ​പിച്ചു. മോ​ദി​യും ര​മ​ൺ സിം​ഗും ജ​ന​ങ്ങ​ൾ​ക്ക് ക​പ​ട​വാ​ഗ്ദാ​ന​ങ്ങ​ളാ​ണ് ന​ൽകുന്നത്. പ്ര​കൃ​തി വി​ഭ​വ​ങ്ങ​ൾ കൊണ്ട് സമ്പന്നമായ ബസ്തറിലെ ജനങ്ങൾക്ക് അതിന്റെ പ്രയോജനം ലഭിക്കുന്നില്ല. ഇതിന്റെ പ്രയോജനമെല്ലാം എത്തുന്നത് മോ​ദി​യു​ടെയും ര​മൺ സിം​ഗി​ന്റെയും ​ ചു​രു​ക്കം ചി​ല വ്യ​വ​സാ​യ സു​ഹൃ​ത്തു​ക്ക​ൾ​ക്കാ​ണെ​ന്നും രാ​ഹു​ൽ പ​റ​ഞ്ഞു.

സാധാരണ ജനങ്ങൾ ബാങ്കുകൾക്ക്​ മുന്നിലെ നീണ്ട വരിയിൽ കാത്തുനിൽക്കുമ്പോൾ നീരവ്​ മോദിയും വിജയ്​ മല്യയും ജനങ്ങളുടെ പണവുമായി കടന്നുകളഞ്ഞുവെന്നും രാഹുൽ ഗാന്ധി പറഞ്ഞു.