കാ​സ​ർകോട് : ബ​ദി​യ​ഡു​ക്ക​യി​ൽ ക്രി​ക്ക​റ്റ് സ്റ്റേ​ഡി​യം നി​ർമ്മാണത്തിൽ അ​ഴി​മ​തി ന​ട​ത്തി​യെ​ന്ന പ​രാ​തി​യി​ൽ കേ​ര​ള ക്രി​ക്ക​റ്റ് അ​സോ​സി​യേ​ഷ​ൻ മു​ൻ പ്ര​സി​ഡ​ന്റ് ടി.​സി.​മാ​ത്യു​വി​നെ​തി​രേ കേ​സെ​ടു​ത്തു. തൃ​ശൂ​ർ സ്വ​ദേ​ശി​യാ​യ കെ.​പ്ര​മോ​ദി​ന്റെ പ​രാ​തി​യി​ൽ ബ​ദി​യ​ഡു​ക്ക പൊ​ലീ​സാ​ണ് കേ​സെ​ടു​ത്ത​ത്.

ബദിയഡുക്കയിൽ സ്റ്റേ​ഡി​യം നിർമ്മിക്കുന്നതിനായി 2012ൽ ​ മാ​ന്യ മു​ണ്ടോ​ടി​ലെ വി​ൻ​ട​ച്ച്‌ ക​മ്പനി​യു​ടെ ഉ​ട​മ​സ്ഥ​ത​യി​ലു​ണ്ടാ​യി​രു​ന്ന സ്ഥ​ല​ത്തു​നി​ന്ന് 8.26 ഏ​ക്ക​ർ സ്ഥ​ലം കെ.എസി.എ വാ​ങ്ങി​യി​രു​ന്നു. അന്ന് സെ​ന്റിന് 27,000 രൂ​പ മാ​ര്‍​ക്ക​റ്റ് വി​ല​യു​ണ്ടാ​യി​രു​ന്ന സ്ഥ​ലം സെ​ന്റിന് 54,000 രൂ​പ​യ്ക്ക് വാ​ങ്ങി​യ​താ​യി രേ​ഖ​യു​ണ്ടാ​ക്കി 2.20 കോ​ടി രൂ​പ ത​ട്ടിയെടുത്തതായാണ് പരാതി. ഗ്രൗ​ണ്ട് നി​ര​പ്പാ​ക്കു​ന്ന​തി​നും ചു​റ്റു​മ​തി​ൽ നി​ർമ്മിക്കുന്നതിലും ക്വ​ട്ടേ​ഷ​ൻ ക്ഷ​ണി​ക്കാ​തെ ക​രാർ ന​ൽകി 52 ല​ക്ഷം രൂ​പ ത​ട്ടിച്ചു. ആ​കെ 2.74 കോ​ടി രൂ​പ​യു​ടെ അ​ഴി​മ​തി ന​ട​ന്ന​താ​യും പ​രാ​തി​യി​ൽ പ​റ​യു​ന്നു. 32 സെ​ന്റ് റ​വ​ന്യൂ​ഭൂ​മി കൈ​യേ​റി​യ​താ​യും പ​രാ​തി​യി​ലുണ്ട്.