ഭോപ്പാൽ: കശാപ്പുകാർ പശുക്കളെ സംരക്ഷിക്കുമെന്ന് പറയുന്നതുപോലെയാണ് കോൺഗ്രസിന്റെ തിരഞ്ഞെടുപ്പ് വാഗ്ദാനമെന്ന് മദ്ധ്യപ്രദേശിലെ ബി.ജെ.പി എം.എൽ.എ രമേശ്വർ ശർമ. പശുക്കളെ സംരക്ഷിക്കുമെന്ന കോൺഗ്രസിന്റെ തിരഞ്ഞെടുപ്പ് വാഗ്ദാനം വോട്ടുനേടാൻ മാത്രമുള്ളതാണെന്ന് അദ്ദേഹം വാർത്താ ഏജൻസിയോട് പറഞ്ഞു.

കശാപ്പ് നിരോധന നീക്കത്തിൽ പ്രതിഷേധിച്ച് യൂത്ത് കോൺഗ്രസ് പ്രവർത്തകർ കണ്ണൂരിൽ പരസ്യമായി കശാപ്പ് നടത്തിയത് ചൂണ്ടിക്കാട്ടിയായിരുന്നു വിമർശനം.

മദ്ധ്യപ്രദേശിലെ എല്ലാ പഞ്ചായത്തിലും ഗോശാലകൾ സ്ഥാപിക്കുമെന്ന് ശനിയാഴ്ച പുറത്തിറക്കിയ പ്രകടന പത്രികയിൽ കോൺഗ്രസ് വാഗ്ദാനം ചെയ്തിരുന്നു. പരിക്കേറ്റ കാലികളെ സംരക്ഷിക്കുമെന്നും വാഗ്ദാനം നല്‍കിയിരുന്നു. ഇതിനെതിരെയാണ് ബി.ജെ.പി എം.എൽ.എ രംഗത്തെത്തിയത്.