കാബൂൾ: അഫ്ഗാനിസ്ഥാന്റെ തലസ്ഥാനമായ കാബൂളിൽ നടന്ന ചാവേറാക്രമണത്തിൽ പൊലീസുകാരുൾപ്പെടെ ആറുപേർ കൊല്ലപ്പെട്ടു. കാബൂളിലെ പൊലീസ് ചെക്ക്പോയിന്റിന് സമീപത്തായിരുന്നു ആക്രമണം നടന്നത്. ഒരു വനിതാ പൊലീസുൾപ്പെടെ പത്ത് പൊലീസുകാർക്കും സ്ഫോടനത്തിൽ പരിക്കേറ്റു. കാബൂളിലെ ആഭ്യന്തര മന്ത്രാലയ വക്താവ് നജീബ് ഡാനിഷാണ് ആക്രമണ വാർത്ത പുറത്തു വിട്ടത്. ആക്രമണത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല

ധനമന്ത്രാലയവും പ്രസിഡന്റിന്റെ ഔദ്യോഗിക വസതിയും സ്കൂളും സ്ഥിതി ചെയ്യുന്നതിന്റെ സമീപത്താണ് ആക്രമണം നടന്നത്. നാല് മൃതദേഹങ്ങൾ കണ്ടെടുത്തതായി പൊലീസ് വക്താവ് അറിയിച്ചു. മൃതദേഹങ്ങൾ പലയിടങ്ങളിലായി ചിതറിക്കിടക്കുന്നുണ്ടെന്നും അദ്ദേഹം പറഞ്ഞു. സർക്കാരിനെതിരെ വൻ പ്രതിഷേധപ്രകടനങ്ങളാണ് കാബൂളിൽ നടക്കുന്നത്. രണ്ട് പ്രവിശ്യകളിൽ സമാനമായ രീതിയിൽ സ്ഫോടനം ന‍ടന്നിരുന്നു.