തിരുവനന്തപുരം: ശബരമലയിലെ യുവതീ പ്രവേശനവുമായി ബന്ധപ്പെട്ട് സുപ്രീം കോടതിയിൽ നിന്നും നീതി ലഭിക്കുമെന്ന് പ്രതീക്ഷയില്ലെന്ന് അയ്യപ്പ ധർമ സേനാ പ്രസിഡന്റ് രാഹുൽ ഈശ്വർ പറഞ്ഞു. ജെല്ലിക്കെട്ട് മാതൃകയിൽ ഓർഡിനൻസ് വഴി നിയമനിർമാണം നടത്താൻ സാധ്യതയുണ്ട്. എന്തായാലും പോരാട്ടം തുടരും. നിയമപരമായ എല്ലാ വഴികളും തേടുമെന്നും അദ്ദേഹം വ്യക്തമാക്കി. വിശ്വാസികൾ പ്രതിഷേധവുമായി എത്തിയാൽ അവർക്ക് എല്ലാ സഹായവും നൽകും. അവർ നടത്തുന്ന പ്രതിഷേധങ്ങളുടെ ഉത്തരവാദിത്വം ഏറ്റെടുക്കുമെന്നും രാഹുൽ വ്യക്തമാക്കി.