ഒരു കുപ്രസിദ്ധ പയ്യൻ എന്ന ചിത്രം മികച്ച പ്രേക്ഷക പ്രതികരണവുമായി മുന്നേറുകയാണ്. മധുപാൽ സംവിധാനം ചെയ്ത ചിത്രത്തിൽ ടോവിനോയുടെ പ്രകടനം ഏറെ പ്രശംസ നേടിയിരുന്നു. ചിത്രത്തിൽ പ്രേക്ഷകർക്ക് മറക്കാനാവാത്തതും ഞെട്ടിച്ചതുമായ ഒരു രംഗമുണ്ട്. ആ രംഗത്തിന്റെ മേക്കിംഗ് വീഡിയോ പുറത്ത് വിട്ടിരിക്കുകയാണ് അണിയറക്കാർ. തലകീഴായി കിടക്കുന്ന ടോവിനോയുടെ രംഗമാണ് പുറത്ത് വിട്ടിരിക്കുന്നത്.

അനുസിത്താരയാണ് ചിത്രത്തിലെ നായിക. വക്കീൽ കഥാപാത്രങ്ങളായി നെടുമുടി വേണുവും,​ നിമിഷ സജയനും എത്തി. സുധീർകരമന, അലൻസിയർ ലേ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നു. ശ്രീകുമാരൻ തമ്പിയുടെ വരികൾക്ക് ഔസേപ്പച്ചൻ സംഗീതം നൽകിയിരുന്നു. ജീവൻ ജോബ് തോമസിന്റേതാണ് തിരക്കഥ.