കൊച്ചി: പൊലീസിന്റെ ചെയ്തികളിൽ മനംമടുത്ത് കേരളം വിടാനൊരുങ്ങുകയാണ് ഒരു യുവ വനിതാ സംരംഭക. തൃപ്പൂണിത്തുറ സ്വദേശിയും എറണാകുളം വൈറ്റിലയിൽ 'ഡീഫാബ് ഇൻസ്‌റ്റൈൽ' വസ്ത്രനിർമ്മാണശാല ഉടമയുമായ പ്രിയ വർമ്മയും കുടുംബവുമാണ് മനസ് മടുത്ത് കേരളം വിടാനൊരുങ്ങുന്നത്. തനിക്കെതിരെയുണ്ടായ വധഭീഷണിയ്ക്കും സ്ഥാപനം ആക്രമിച്ചതിനും തെളിവ് സഹിതം പരാതി നൽകിയിട്ടും അത് സ്വീകരിക്കാൻ തയ്യാറാവാത്ത പാലാരിവട്ടം പൊലീസിനെതിരെ മുഖ്യമന്ത്രിക്കും ഡി.ജി.പിക്കും പരാതി നൽകാൻ ഒരുങ്ങുകയാണ് ഇവർ.

ഒരു വർഷത്തെ നിയമപോരാട്ടം
എട്ട് വർഷം മുമ്പാണ് പനമ്പിള്ളി നഗറിൽ 'ഡീഫാബ് ഇൻ സ്‌റ്റൈൽ' എന്ന പേരിൽ വസ്ത്ര നിർമ്മാണശാല തുടങ്ങിയത്. കെട്ടിടത്തിന്റെ ലൈസൻസുമായി ബന്ധപ്പെട്ട പ്രശ്നംമൂലം ഒന്നരവർഷം മുമ്പ് സ്ഥാപനം വൈറ്റിലയിലേക്ക് മാറ്റി. സ്ഥാപനത്തിന്റെ പേരിൽ ഒരു പരസ്യബോർഡ് സ്ഥാപിച്ചതോടെയാണ് പ്രശ്നങ്ങൾ തുടങ്ങുന്നത്. പരസ്യബോർഡ് സമീപത്തെ സ്ഥലത്തെ മറയ്ക്കുന്ന രീതിയിലെന്ന് കാട്ടി ചിലർ കോടതിയെ സമീപിച്ച് ബോർഡ് നീക്കാൻ അനുകൂല ഉത്തരവ് വാങ്ങി. ഇതിനെതിരെ മുൻസിഫ് കോടതിയെ സമീപിച്ചെങ്കിലും നഗരസഭ അനുമതിയില്ലാത്തത് തിരിച്ചടിയായി.

അനുമതിക്കായി മാസങ്ങളോളം കൊച്ചി കോർപ്പറേഷൻ കയറിയിറങ്ങിയിട്ടും ഫലമില്ലെന്ന് തിരിച്ചറിഞ്ഞതോടെ വീണ്ടും കോടതിയെ സമീപിച്ചു. പരാതി പരിഗണിച്ച കോടതി കൊച്ചി കോർപ്പറേഷൻ സെക്രട്ടറിയോട് വിഷയത്തിൽ ഇടപെട്ട് പരസ്യബോർഡ് സ്ഥാപിക്കാൻ അനുവാദം നൽകാനും ബോർഡ് നീക്കണമെന്ന ഉത്തരവ് സ്റ്റേ ചെയ്യാനും വിധിച്ചു. അനുകൂല വിധിയെ തുടർന്ന് പരസ്യബോർഡ് സ്ഥാപിച്ചെങ്കിലും അന്ന് രാത്രിതന്നെ ചിലരെത്തി ഇത് അടിച്ച് തകർക്കാൻ ശ്രമിക്കുകയും തന്നെ വധിക്കുമെന്ന് ഭീഷണിപ്പെടുത്തുകയും ചെയ്തു.

കേരളം മടുത്തു
ഏറെ ആഗ്രഹത്തോടെയാണ് നാട്ടിൽ ഒരു സ്ഥാപനം തുടങ്ങാൻ തീരുമാനിച്ചത്. എന്നാൽ, ഇന്ന് ഈ തീരുമാനം തെറ്റായെന്ന് തോന്നുന്നു. മറ്റ് സംസ്ഥാനങ്ങളിൽ ഒരു സംരംഭകയ്ക്കോ സംരംഭകനോ സർക്കാരിൽ നിന്നും ഇത്രയും ദുരിതങ്ങൾ ഉണ്ടാകില്ല. മുഖ്യമന്ത്രിക്ക് അടക്കം നൽകുന്ന പരാതിയിൽ ഇതേ അവസ്ഥ തന്നെയാണ് ഉണ്ടാകുന്നതെങ്കിൽ കേരളം വിടും. എറണാകുളത്തിന് പുറമെ കോട്ടയത്തും സ്ഥാപനം പ്രവർത്തിക്കുന്നുണ്ട്. 150ലധികം ജീവനക്കാർ തൊഴിലെടുക്കുന്നുണ്ട്. കേസിനെ തുടർന്ന് മാനസികമായി തളർന്നു. ഭർത്താവിന്റെ പിന്തുണയോടെയാണ് നിയമനടപടിയുമായി മുന്നോട്ട് പോകുന്നത്.

ഒത്തുതീർക്കാൻ പൊലീസ്

അ​ക്ര​മം​ ​ന​ട​ന്ന് ​തൊ​ട്ട​ടു​ത്ത​ ​ദി​വ​സം​ ​ത​ന്നെ​ ​സി.​സി​ ​ടി.​വി​ ​ദൃ​ശ്യ​ങ്ങ​ളു​മാ​യി​ ​മാ​നേ​ജ​ർ​ ​പാ​ലാ​രി​വ​ട്ടം​ ​പൊ​ലീ​സി​നെ​ ​സ​മീ​പി​ച്ചെ​ങ്കി​ലും​ ​ഇ​ന്നേ​വ​രെ​ ​തെ​ളി​വ് ​കൈ​പ്പ​റ്റാ​നോ​ ​മൊ​ഴി​യെ​ടു​ക്കാ​നോ​ ​ആ​രു​മെ​ത്തി​യി​ല്ല.​ ​സി.​സി​ ​ടി.​വി​ ​ദൃ​ശ്യ​ങ്ങ​ള​ട​ങ്ങി​യ​ ​നി​ർ​ണാ​യ​ക​ ​തെ​ളി​വ് ​പൊ​ലീ​സ് ​നി​ര​സി​ക്കു​ക​യാ​ണ് ​ചെ​യ്ത​ത്.​ ​കേ​സ് ​ഒ​ത്തു​തീ​ർ​പ്പാ​ക്കാ​നാ​ണ് ​പൊ​ലീ​സ് ​നി​ർ​ദ്ദേ​ശി​ച്ച​ത്.​ ​എ​ന്നാ​ൽ,​ ​അ​ങ്ങി​നെ​ ​കേ​സി​ൽ​ ​നി​ന്ന് ​പി​ൻ​മാ​റാ​നി​ല്ല.​ ​മു​ഖ്യ​മ​ന്ത്രി​ക്കും​ ​ഡി.​ജി.​പി​ക്കും​ ​കൊ​ച്ചി​ ​റേ​ഞ്ച് ​ഐ.​ജി​ക്കും​ ​പ​രാ​തി​ ​ന​ൽ​കാ​ൻ​ ​ഒ​രു​ങ്ങു​ക​യാ​ണ്.​ ​ഒ​പ്പം​ ​പൊ​ലീ​സ് ​സം​ര​ക്ഷ​ണ​വും​ ​ആ​വ​ശ്യ​പ്പെ​ടും.