പാലക്കാട്: തെങ്കര പഞ്ചായത്തിൽ എൽ.ഡി.എഫിന് ഭരണം നഷ്ടപ്പെട്ടു. 17 അംഗ പഞ്ചായത്തിൽ നറുക്കെടുപ്പിലൂടെയാണ് യു.ഡി.എഫ് ഭരണം പിടിച്ചെടുത്തത്. യു.ഡി.എഫിന്റെ പ്രസിഡന്റായി 13ാം വാർഡ് മെമ്പർ എ. സലീനയെ തിരഞ്ഞെടുത്തു. യു.ഡി.എഫ് കൊണ്ടുവന്ന അവിശ്വാസ പ്രമേയം സി.പി.ഐ പിന്തുണച്ചതിനെ തുടർന്നാണ് പഞ്ചായത്ത് തിരഞ്ഞെടുപ്പിലേക്ക് ചുവടുവച്ചത്.

17 അംഗ പഞ്ചായത്തിൽ ഒരു സി.പി.ഐ മെമ്പർ ഉൾപ്പടെ 9 അംഗങ്ങളുടെ പിന്തുണയോടെയാണ് എൽ.ഡി.എഫ് നേരത്തെ ഭരിച്ചിരുന്നത്. ഇന്ന് നടന്ന തിരഞ്ഞെടുപ്പിൽ ഏക സി.പി.ഐ അംഗം വിപ്പ് ലംഘിച്ച് യു.ഡി.എഫിന് വോട്ട് ചെയ്യുകയായിരുന്നു. ആകെയുണ്ടായിരുന്ന ബി.ജെ.പി അംഗം വോട്ട് അസാധുവാക്കിയതോടെ തിരഞ്ഞെടുപ്പിൽ രണ്ട് മുന്നണികൾക്ക് എട്ട് വോട്ട് ലഭിച്ചു. തുടർന്ന് നറുക്കെടുപ്പ് നടത്താൻ തീരുമാനിച്ചതോടെ അവസരം യു.ഡി.എഫിന് അനുകൂലമാവുകയായിരുന്നു. ജില്ലയിൽ സി.പി.എമ്മിലും സി.പി.ഐയിലും ഭിന്നത രൂക്ഷമായിരുന്നു.