പത്തനംതിട്ട: ഇ​രു​മു​ടി​ക്കെ​ട്ടു​മാ​യി മ​ല​ക​യ​റു​ന്ന​തി​നി​ടെ അ​റ​സ്‌റ്റി​ലാ​യ ഹി​ന്ദു ഐ​ക്യ​വേ​ദി നേ​താ​വ് കെ.പി.ശ​ശി​ക​ല റാ​ന്നി പൊ​ലീ​സ് സ്റ്റേ​ഷ​നിൽ നി​രാ​ഹാ​ര​സ​മ​രം ആ​രം​ഭി​ച്ചു. അയ്യപ്പനെ കണ്ട് നെയ്യഭിഷേകം നടത്താതെ മടങ്ങില്ലെന്ന നിലപാടിലാണ് ഇവർ. എന്നാൽ ശശികലയെ വെറുതെ വിടണമെന്ന് ആവശ്യപ്പെട്ട് ഹിന്ദു ഐക്യവേദി പ്രവർത്തകരും ശ​ബ​രി​മ​ല കർ​മ്മ സ​മി​തി പ്ര​വർ​ത്ത​കർ ഇ​ന്ന് പു​ലർ​ച്ചെ മുതൽ പൊ​ലീ​സ് സ്‌റ്റേ​ഷൻ ഉ​പ​രോധിച്ച് സമരം നടത്തുകയാണ്.

ഇ​ന്ന​ലെ രാ​ത്രി ഏ​ഴ​ര​യോ​ടെ മ​ര​ക്കൂ​ട്ട​ത്ത് എ​ത്തി​യ ശ​ശി​ക​ല​യെ പൊ​ലീ​സ് ത​ട​യു​ക​യാ​യി​രു​ന്നു. തു​ടർ​ന്ന് അർദ്ധരാത്രി 1.40 ഓ​ടെ​യാ​ണ് അ​റ​സ്റ്റ് ചെ​യ്​ത​ത്. നിരോധനാജ്ഞ നിലനിൽക്കുന്നതിനാൽ മ​ട​ങ്ങി​പ്പോ​ക​ണ​മെ​ന്ന് പ​ല​ത​വ​ണ ആ​വ​ശ്യ​പ്പെ​ട്ടെ​ങ്കി​ലും ഭ​ക്ത​യാ​യ താൻ ദർ​ശ​ന​വും നെ​യ്യ​ഭി​ഷേ​ക​വും ന​ട​ത്താ​തെ മ​ട​ങ്ങി​ല്ലെ​ന്ന് പൊ​ലീ​സി​നെ അ​റി​യിച്ചു. തു​ടർ​ന്നാ​ണ് അ​റ​സ്റ്റ് ചെ​യ്​ത​ത്. ഇതിന് പിന്നാലെ ശബരിമല കർമ്മ സമിതി സംസ്ഥാന വ്യാപകമായി രാവിലെ 6 മുതൽ വൈകിട്ട് 6 വരെ ഹർത്താലിന് ആഹ്വാനം ചെയ്തത്. പിന്നീട് ഹിന്ദു ഐക്യവേദിയും ബി.ജെ.പിയും ഹർത്താലിന് പിന്തുണ പ്രഖ്യാപിച്ചു.

ഇ​ന്ന​ലെ വൈ​കി​ട്ട് 5.30 ഓ​ടെ​യാ​ണ് പൃ​ഥ്വി​പാ​ലി​നെ പ​മ്പ​യിൽ നി​ന്ന് പൊ​ലീ​സ് ക​സ്റ്റ​ഡി​യി​ലെ​ടു​ത്ത​ത്. ശ​ബ​രി​മ​ല കർ​മ്മ സ​മി​തി നേ​താ​വാ​യ സ്വാ​മി ഭാർ​ഗ​വ​റാ​മി​നെ പ​മ്പ​യിൽ നി​ന്ന് ക​സ്റ്റ​ഡി​യി​ലെ​ടു​ത്തെ​ങ്കി​ലും പി​ന്നീ​ട് വി​ട്ട​യ​ച്ചു. പട്ടികജാതി മോർച്ച സംസ്ഥാന അദ്ധ്യക്ഷൻ അഡ്വ.സുധീറിനെ ഇന്ന് പുലർച്ചെ സന്നിധാനത്തുനിന്ന് പൊലീസ് അറസ്റ്റ് ചെയ്തു. വ്യാ​പാ​രി​കൾ ഉൾ​പ്പെ​ടെ​യു​ള്ള​വ​രെ രാ​ത്രി 11ന് ശേ​ഷം സ​ന്നി​ധാ​ന​ത്ത് ത​ങ്ങാൻ അ​നു​വ​ദി​ക്കി​ല്ലെ​ന്നും ഭ​ക്ത​രെ മ​ല ച​വി​ട്ടാൻ അ​നു​വ​ദി​ക്കി​ല്ലെ​ന്നും ഇ​ന്ന​ലെ ഉ​ച്ച​യോ​ടെ പൊ​ലീ​സ് അ​റി​യി​ച്ചി​രു​ന്നു. ഇ​തേ തു​ടർ​ന്ന് ദേ​വ​സ്വം ബോ​ർ​ഡ് പ്ര​സി​ഡന്റ് എ. പ​ദ്​മ​കു​മാർ ഇ​ട​പെ​ട്ട് ദേ​വ​സ്വം മ​ന്ത്രി​യു​മാ​യി ചർ​ച്ച ന​ട​ത്തി നി​യ​ന്ത്ര​ണ​ങ്ങൾ പിൻ​വ​ലി​ച്ച​താ​യി അ​റി​യി​ച്ചു. എ​ന്നാൽ ന​ട അ​ട​ച്ച​ശേ​ഷം ഇ​രു​മു​ടി​ക്കെ​ട്ടും നെ​യ്യ​ഭി​ഷേ​ക​ത്തി​നു​ള്ള ടോ​ക്ക​ണും ഇ​ല്ലാ​ത്ത​വ​രെ സ​ന്നി​ധാ​ന​ത്ത് ത​ങ്ങാൻ പൊ​ലീ​സ് അ​നു​വ​ദി​ച്ചി​ല്ല. അതിനിടെ ബി.ജെ.പി സംസ്ഥാന ജനറൽ സെക്രട്ടറി കെ.സുരേന്ദ്രൻ ഇന്ന് ശബരിമലയ്ക്ക് പോകുമെന്ന് അറിയിച്ചിട്ടുണ്ട്.