തിരുവനന്തപുരം: ശബരിമലയിൽ പൊലീസ് ഏർപ്പെടുത്തിയിരിക്കുന്ന കർശന സുരക്ഷയിൽ ഇളവ് നൽകുന്ന കാര്യത്തിൽ തീരുമാനം നാളെ അറിയിക്കാമെന്ന് സംസ്ഥാന പൊലീസ് മേധാവി ലോക്‌നാഥ് ബെഹ്റ വ്യക്തമാക്കി. പൊലീസിന്റെ കടുത്ത നിയന്ത്രണങ്ങൾ ഭക്തർക്ക് ബുദ്ധിമുട്ടുണ്ടാക്കുന്നുവെന്നും ഇക്കാര്യത്തിൽ ഇളവ് അനുവദിക്കണമെന്നും ആവശ്യപ്പെട്ടെത്തിയ ദേവസ്വം ബോർഡ് അംഗം ശങ്കർദാസിനോടാണ് ഡി.ജി.പി ഇക്കാര്യം അറിയിച്ചത്. നിലവിൽ രാത്രി കാലങ്ങളിൽ നടപ്പന്തലിലും മറ്റും വിരിവയ്‌ക്കാൻ പൊലീസ് ഭക്തരെ അനുവദിക്കുന്നില്ല. കുറച്ചെങ്കിലും ഭക്തരെ ഇവിടെ തങ്ങാൻ അനുവദിക്കണമെന്ന് ശങ്കർദാസ് ഡി.ജി.പിയോട് ആവശ്യപ്പെട്ടു. എന്നാൽ ഇക്കാര്യം ഉന്നത പൊലീസ് ഉദ്യോഗസ്ഥരുമായി ആലോചിച്ച ശേഷം തീരുമാനം നാളെ അറിയിക്കാമെന്ന് ഡി.ജി.പി നിലപാട് എടുക്കുകയായിരുന്നു.

അതേസമയം, നേരത്തെയുണ്ടായ സംഘർഷങ്ങളുടെ പശ്ചാത്തലത്തിൽ കർശന സുരക്ഷാണ് സന്നിധാനത്ത് പൊലീസ് ഏർപ്പെടുത്തിയിരിക്കുന്നത്. സ​ന്നി​ധാ​ന​ത്ത് വി​രിവ​യ്​ക്കാ​നോ രാ​ത്രി 11ന് ശേ​ഷം ത​ങ്ങാ​നോ ക​ട​കൾ തു​റ​ന്ന് പ്ര​വർ​ത്തി​പ്പി​ക്കാ​നോ അ​നു​വ​ദി​ക്കി​ല്ലെ​ന്നാ​ണ് പൊ​ലീ​സ് നിർ​ദ്ദേ​ശം. ഉ​ച്ച​പൂ​ജ​യ്​ക്ക് ശേ​ഷം സ​ന്നി​ധാ​ന​ത്ത് എ​ത്തു​ന്ന ഭ​ക്തർ​ക്ക് നെ​യ്യ​ഭി​ഷേ​കം ന​ട​ത്ത​ണ​മെ​ങ്കിൽ മ​ല​യി​റ​ങ്ങി പി​റ്റേ​ന്ന് പു​ലർ​ച്ചെ വീ​ണ്ടും മ​ല​ച​വി​ട്ടേ​ണ്ടിവരും. സ​ന്നി​ധാ​ന​ത്ത് ആ​കെ 13 ഹോ​ട്ട​ലു​ക​ളും ര​ണ്ട് ലൈ​റ്റ് ഫു​ഡ് ക​ട​ക​ളു​മാ​ണ് ഉ​ള്ള​ത്. ഇ​തിൽ ആ​റ് ഹോ​ട്ട​ലു​കൾ മാ​ത്ര​മാ​ണ് ഇ​ന്ന​ലെവ​രെ ലേ​ല​ത്തിൽ പോ​യ​ത്. രാ​ത്രി​യിൽ ഹോ​ട്ട​ലു​കൾ കൂ​ടി അ​ട​യ്​ക്കു​ന്ന​തോ​ടെ ഭ​ക്തർ ഭ​ക്ഷ​ണം കി​ട്ടാ​തെ വ​ല​യും.

പ​മ്പ​യി​ലെ​ത്തു​ന്ന ഭ​ക്ത​രെ തി​ര​ക്കി​ന​നു​സ​രി​ച്ച് നി​യ​ന്ത്രി​ച്ചാ​ണ് മ​ല ച​വി​ട്ടാൻ അ​നു​വ​ദി​ക്കു​ക. ആ​ദ്യം മെ​റ്റൽ ഡി​റ്റ​ക്ടർ വ​ഴി ക​ട​ത്തി​വി​ടും. തു​ടർ​ന്ന് ഇ​രു​മു​ടി​ക്കെ​ട്ട് ഉൾ​പ്പെ​ടെ സ്​കാ​ന​റി​ലൂ​ടെ ക​ട​ത്തി​വി​ട്ട് പ​രി​ശോ​ധി​ക്കും. മു​ഖം തി​രി​ച്ച​റി​യാ​നു​ള്ള കാ​മ​റ​യി​ലൂ​ടെ ചി​ത്ര​ങ്ങൾ പ​കർ​ത്തും. ശ​ബ​രി​പീഠം മു​തൽ കർ​ശ​ന നി​യ​ന്ത്ര​ണ​ത്തി​ലാ​ണ് ക​ട​ത്തി​വി​ടു​ക. ഇതിന് പുറമെ ഇരുമുടിക്കെട്ടില്ലാതെ എത്തുന്ന ഭക്തരെ കർശനമായി നിരീക്ഷിക്കുമെന്നും പൊലീസ് അറിയിച്ചിട്ടുണ്ട്.