ചെ​ന്നൈ: തമിഴ്നാട്ടിൽ ഗ​ജ ചു​ഴ​ലി​ക്കാ​റ്റ് നാശം വിതച്ച പ്രദേശങ്ങളിൽ ദു​രി​തം അ​നു​ഭ​വി​ക്കു​ന്ന​വ​ർക്ക് ​ ന​ട​ൻ രജനികാന്തിന്റെ രാഷ്ട്രീയ പാർട്ടിയായ മ​ക്ക​ൾ മ​ൺട്രത്തിന്റെ പ്രവർത്തകർ വിതരണം ചെയ്ത ദുരിതാശ്വാസ വസ്തുക്കളെചൊല്ലി വിവാദം. ദുരിതാശ്വാസ വസ്തുക്കളിൽ രജനിയുടെ ചിത്രം പതിപ്പിച്ചതിനെ തുടർന്നാണ് വിമർശനം ഉയർന്നത്. ചു​ഴ​ലി​ക്കാറ്റ് ഏറ്റവും കൂടുതൽ നാശനഷ്ടമുണ്ടാക്കിയ നാഗപട്ടണത്ത് വിതരണം ചെയ്ത പാക്കറ്റുകളിലാണ് ര​ജ​നി​യു​ടെ ചി​ത്രം പ​തി​പ്പി​ച്ച​ത്.

ഇ​തി​ന്റെ ചിത്രങ്ങൾ സോഷ്യൽ മീ‌ഡിയ വഴി വ്യാ​പ​ക​മാ​യി പ്ര​ച​രി​ച്ചിരുന്നു. ദു​രി​താ​ശ്വാ​സ​ത്തി​ന്റെ പേ​രി​ൽ ര​ജ​നീ​കാ​ന്തും മക്കൾ മൺട്രം പാർട്ടിയും രാഷ്ട്രീയ മുതലെടുപ്പ് നടത്തുകയാണെന്നാണ് വിമർശനം ഉയരുന്നത്. ഇത് സംബന്ധിച്ച് രജനീകാന്ത് ഇതുവരെ പ്രതികരിച്ചിട്ടില്ല. അ​തേ​സ​മ​യം ചിത്രം പതിപ്പിച്ചത് ആരാധകരാകാമെന്നും രജനികാന്ത് ഇത് സംബന്ധിച്ച് അറിഞ്ഞിട്ടില്ലെന്നും രജനികാന്തുമായി ബന്ധപ്പെട്ട വൃത്തങ്ങൾ പറയുന്നു.

ചെ​ന്നൈ​യി​ൽ കഴിഞ്ഞ പ്രളയകാലത്ത് വിതരണം ചെയ്ത ഭ​ക്ഷ​ണ​പാ​ക്ക​റ്റു​ക​ളി​ലും അ​വ​ശ്യ വ​സ്തു​ക്ക​ളി​ലും ജ​യ​ല​ളി​ത​യു​ടെ ചി​ത്രം പ​തി​ച്ച​തി​നെ​തി​രെ വ്യാ​പ​ക പ്ര​തി​ഷേ​ധം ഉ​യ​ർ​ന്നി​രു​ന്നു. ഗജ ചുഴലിക്കാറ്റിൽ തമിഴ്നാട്ടിൽ ഇതുവരെ 35 പേർ മരിച്ചെന്നാണ് റിപ്പോർട്ട്. നാഗപട്ടണം, വേളാങ്കണ്ണി, പുതുക്കോട്ടെ, തഞ്ചാവൂർ, കടലൂർ തുടങ്ങിയ മേഖലകളിലാണ് ചുഴലിക്കാറ്റ് കനത്തനാശം വിതച്ചത്. ഈ മേഖലകളിൽ അടുത്ത 24 മണിക്കൂർ കൂടി കനത്ത മഴയ്ക്ക് സാദ്ധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്.