ക​ണ്ണൂ​ർ: ശ​ബ​രി​മ​ല ദർ​ശ​നം ന​ട​ത്താൻ മാലയിട്ട് വ്രതമെടുത്ത രേ​ഷ്മ നി​ഷാ​ന്ത് പ്രതിഷേധത്തെതുടർന്ന് യാത്ര ഉപേക്ഷിച്ചു. ക​ഴി​ഞ്ഞ​മാ​സം മാ​ല​യി​ട്ട ഇ​വ​ർ ഇന്ന് രാ​വി​ലെ ചെ​റു​കു​ന്നി​ൽ നിന്ന് കെ​ട്ടു​നി​റ​ച്ച്‌ ഉ​ച്ച​യ്ക്ക് ട്രെ​യി​ൻ ​മാ​ർ​ഗം മ​റ്റു സു​ഹൃ​ത്തു​ക്ക​ളോ​ടൊ​പ്പം പോ​കാ​നി​രി​ക്കെ​യാ​ണു തീ​രു​മാ​നം മാ​റ്റി​യ​ത്.

ശ​നി​യാ​ഴ്ച വൈ​കിട്ട് 4.30നുള്ള ട്രെ​യി​നി​ൽ ക​ണ്ണൂ​രി​ൽ നി​ന്ന് യാ​ത്ര​തി​രി​ക്കു​മെ​ന്നാ​യി​രു​ന്നു ഇവർ പൊലീസിനെ അ​റി​യി​ച്ചി​രു​ന്ന​ത്. സം​ര​ക്ഷ​ണം നൽകുമെന്ന് പൊലീ​സും വ്യ​ക്ത​മാ​ക്കി​യി​രു​ന്നു. എ​ന്നാ​ൽ വിവരമറിഞ്ഞ് ഉ​ച്ച​യോ​ടെ രേഷ്മ നിഷാന്തിന്റെ വീ​ടി​നു സ​മീ​പ​ത്ത് പ്ര​തി​ഷേ​ധ​ക്കാ​രും നാട്ടുകാരും സംഘമായി പ്രതിഷേധവുമായി എത്തിയ സാ​ഹ​ച​ര്യ​ത്തി​ലാ​ണു രേ​ഷ്മ​യു​ടെ പി​ൻ​മാ​റ്റം. പ്ര​തി​ഷേ​ധം ക​ണ​ക്കി​ലെ​ടു​ത്ത് യാ​ത്ര ഉപേക്ഷിക്കാൻ ബ​ന്ധു​ക്ക​ൾ പറഞ്ഞതും പിൻമാറ്റത്തിന് കാരണമായി.

മ​ണ്ഡ​ല​കാ​ല​ത്ത് 41 ദി​വ​സ​ത്തെ വ്ര​ത​മെ​ടു​ത്ത് ശ​ബ​രി​മ​ല ക​യ​റു​മെ​ന്ന് ഫേ​സ്ബു​ക്കി​ൽ ചിത്രം സഹിതം രേഷ്മ പോസ്റ്റിട്ടിരുന്നു. രേ​ഷ്മ​യ്ക്കു​നേ​രേ ഭീഷണി ഉയർന്നതിനെ തുടർന്ന് ജി​ല്ലാ പൊലീ​സ് മേ​ധാ​വി​ക്ക് പ​രാ​തി നൽകുകയും വീ​ട്ടു​പ​രി​സ​ര​ത്ത് പൊലീ​സ് സു​ര​ക്ഷ ഏ​ർ​പ്പെ​ടു​ത്തു​ക​യും ചെ​യ്തി​രു​ന്നു. ക​ണ്ണൂ​രി​ലെ ഒ​രു സ്വ​കാ​ര്യ കോ​ള​ജ് അ​ദ്ധ്യാ​പി​ക​യാ​ണ് രേ​ഷ്മ. ഭ​ർത്താ​വ് നി​ഷാ​ന്ത് സ​ഹ​ക​ര​ണ ബാ​ങ്ക് ഉ​ദ്യോ​ഗ​സ്ഥ​നാ​ണ്.