യുവ ഗായിക ചിന്മയിയെ ഡബ്ബിംഗ് യൂണിയനിൽ നിന്ന് പുറത്താക്കി. കവി വൈരമുത്തുവിനെതിരെ മീടൂ ആരോപണം ഉന്നയിച്ചതിനാലാണ് ചിന്മയിയെ സൗത്ത് ഇന്ത്യൻ സിനിമ ടെലിവിഷൻ ആർട്ടിസ്റ്റ് യൂണിയനിൽ നിന്ന് പുറത്താക്കിയത്. അംഗത്വ ഫീസ് അടയ്‌ക്കാത്തതിനാലാണ് ചിന്മയിയെ പുറത്താക്കിയതെന്നാണ് യൂണിയന്റെ വിശദീകരണം. എന്നാൽ, തനിക്ക് മുൻകൂട്ടി നോട്ടീസ് നൽകുകയോ ചർച്ച നടത്തുകയോ ചെയ്‌തിട്ടില്ല, പുറത്താക്കിയെന്ന് കാണിച്ചുകൊണ്ട് ഒരു സന്ദേശം മാത്രമാണ് യൂണിയൻ അയച്ചത്.

വരിസംഖ്യയുടെ പ്രശ്‌നം നിലനിൽക്കുമ്പോഴും ശമ്പളത്തിൽനിന്ന് പത്തു ശതമാനം വീതം തുക സംഘടന കൈപ്പറ്റിയതായും ചിന്മയി ആരോപിച്ചു. സംഗീത പരിപാടിക്കായി അമേരിക്കയിലെത്തിയ ചിന്മയി ട്വിറ്ററിലൂടെയാണ് വിവരം പുറത്തു വിട്ടത്. മുമ്പ് നടനും മുൻ എം.എൽ.എയുമായ രാധാ രവിക്കെതിരെ മീടൂ ആരോപണം ഉന്നയിച്ച സ്ത്രീകളെ ചിന്മയി പിന്തുണച്ചിരുന്നു. '96' എന്ന തമിഴ് സിനിമയിൽ തൃഷ കൃഷ്‌ണൻ അവതരിപ്പിച്ച കഥാപാത്രത്തിനാണ് അവസാനമായി ചിന്മയി ശബ്‌ദം നൽകിയത്.

Sooo given to understand that I have been terminated from the dubbing union. Which means I can longer dub in Tamil films henceforth. The reason stated is that I haven’t paid ‘subscription fees’ for 2 years though this hasn’t stopped them from taking 10% off my dubbing income

— Chinmayi Sripaada (@Chinmayi) November 17, 2018