മഥുര: എല്ലാം വളരെ പെട്ടെന്നായിരുന്നു,കണ്ടുനിന്നവരെ ഭീതിയിലാക്കി പിഞ്ചുകുഞ്ഞ് വീണ റെയിൽ പാളത്തിന് മുകളിലൂടെ ട്രെയിൻ കടന്നുപോയി, ട്രെയിൻ പോയതിന് ശേഷം യുവാവ് കുഞ്ഞിനെ വാരിയെടുത്ത് മാതാപിതാക്കൾക്ക് നൽകി. അവിശ്വസനീയമായ രക്ഷപ്പെടലിന്റെ വീഡിയോ സോഷ്യൽ മീഡിയകളിൽ വൈറലാവുകയാണ്. ഭാഗ്യം കൊണ്ട് മാത്രമാണ് കുഞ്ഞ് രക്ഷപ്പെട്ടത്.

ഉത്തർപ്രദേശിലെ മഥുരയിലാണ് സംഭവം. ഒരു വയസ് മാത്രം പ്രായമായ കുഞ്ഞ് റെയിൽവെ പാളത്തിൽ വീഴുന്നതിന് പിന്നാലെയാണ് ട്രെയിൻ കടന്നുപോയത്. പ്ളാറ്റ്ഫോമിനും പാളത്തിനും ഇടയിലാണ് കുഞ്ഞ് വീണത്. അതിവേഗതയിൽ പോയ ട്രെയിൽ കുഞ്ഞിനെ സ്പർശിച്ചതുപോലുമില്ല.യാത്രക്കാർ ഓടിക്കൂടി കുഞ്ഞിനെ എടുത്തുകൊടുക്കയായിരുന്നു. അപ്പോഴും കാര്യമെന്തെന്നറിയാതെ കുഞ്ഞ് കരഞ്ഞുകൊണ്ടേയിരിക്കുകയായിരുന്നു.

#WATCH: One-year-old girl escapes unhurt after a train runs over her at Mathura Railway station. pic.twitter.com/a3lleLhliE

— ANI UP (@ANINewsUP) November 20, 2018