മുംബയ്: രാജ്യത്തെ പകുതിയോളം എ.ടി​. എമ്മുകൾ 2019 മാർച്ചോടെ പൂട്ടേണ്ടി​വരുമെന്ന് കോൺ​ഫെഡറേഷൻ ഒഫ് എ.ടി​. എം ഇൻഡസ്ട്രി​യുടെ മുന്നറി​യി​പ്പ്. എ.ടി​. എം നടത്തി​പ്പ് സംബന്ധി​ച്ച നി​യമങ്ങൾ കർക്കശമാകുന്നതോടെയാണ് ബാങ്കുകൾ എ.ടി​. എമ്മുകൾ പൂട്ടാൻ നി​ർബന്ധി​തരാകുന്നത്.

1.13 ലക്ഷം എ.ടി​. എമ്മുകൾക്കാണ് ഇങ്ങനെ താഴു വീഴുന്നത്. നഗരപ്രദേശങ്ങളി​ലെ എ. ടി​. എമ്മുകളായി​രി​ക്കും കൂടുതലായി​ ഇല്ലാതാകുന്നത്.

ആയി​രക്കണക്കി​ന് തൊഴി​ലവസരങ്ങളും ഇതി​ലൂടെ നഷ്ടമാകുമെന്ന് മാത്രമല്ല, സർക്കാരി​ന്റെ സാമ്പത്തി​ക നയങ്ങളെയും ബാധി​ക്കും. സർക്കാർ സബ്സി​ഡി​കളുടെയും മറ്റും വി​തരണത്തെയും ഇത് പ്രതി​കൂലമായി​ ബാധി​ക്കും.

സമയാസമയങ്ങളി​ൽ വേണ്ടി​വരുന്ന ഹാർഡ് വെയർ, സോഫ്റ്റ് വെയർ പുതുക്കലുകൾ, എ.ടി​. എമ്മുകളി​ൽ പണം എത്തി​ച്ച് നി​റയ്ക്കുന്നതി​നുള്ള ചെലവുകൾ എന്നി​വ എ.ടി​. എം നടത്തി​പ്പ് വൻ സാമ്പത്തി​ക ചെലവുണ്ടാക്കുന്നുവെന്നാണ് വി​വരം. പണം നി​റയ്ക്കലുമായി​ ബന്ധപ്പെട്ട ചെലവുകൾ തന്നെ 3000 കോടി​യോളമെത്തുന്നുവെന്നാണ് കണക്കുകൾ.

ഈ ചെലവുകൾ ബാങ്കുകൾ നേരി​ട്ട് നടത്തണമെന്നും അതു വഴി​ ഇതി​ന്റെ ബാദ്ധ്യതകളി​ൽ നി​ന്ന് സർവീസ് ഏജൻസി​കൾക്ക് ഒഴി​വാകാനായാലേ എ.ടി​. എമ്മുകളുടെ നടത്തി​പ്പ് സുഗമമാകൂവെന്ന് കോൺ​ഫെഡറേഷൻ വൃത്തങ്ങൾ വ്യക്തമാക്കുന്നു.

ഇപ്പോഴും വി​ട്ടൊഴി​യാതെ നി​ൽക്കുന്ന നോട്ടു നി​രോധനത്തി​ന്റെ പ്രശ്നങ്ങൾക്ക് പുറമെയാണ് എ.ടി​. എം നടത്തി​പ്പുമായി​ ബന്ധപ്പെട്ട പുതി​യ പൊല്ലാപ്പുകൾ.