കൊ​ട്ടി​യം: ദുരൂഹസാഹചര്യത്തിൽ യുവാവ് മരിച്ച സംഭവം ഷോക്കേൽപ്പിച്ചുള്ള കൊലപാതകമാണെന്ന് കണ്ടെത്തി. പ​റ​ക്കു​ളം വ​യ​ലിൽവീ​ട്ടിൽ ബി​നുവിനെ (34) വീ​ട്ടി​ൽ മ​രി​ച്ച നി​ല​യിൽ കാ​ണ​പ്പെ​ട്ട സം​ഭ​വ​ത്തിൽ അ​യൽ​വാ​സി പ​റ​ക്കു​ളം വ​യ​ലിൽ പു​ത്തൻ​വീ​ട്ടിൽ വാ​ട​കയ്​ക്ക് താ​മ​സി​ക്കു​ന്ന ചാ​ത്ത​ന്നൂർ ഉ​ളി​യ​നാ​ട് കാ​രം​കോ​ട് പൊ​യ്​ക​യിൽ വീ​ട്ടിൽ കൊ​ച്ചു​കു​ട്ടൻ എ​ന്നു വി​ളി​ക്കു​ന്ന വി​ജ​യ​കു​മാറിനെ (36) പൊലീസ് അ​റ​സ്റ്റ് ചെയ്തു.

ചൊവ്വാഴ്ച രാവിലെയാണ് ബി​നുവിനെ വീട്ടിൽ മരിച്ച നിലയിൽ കണ്ടെത്തിയത്. സം​ഭ​വ​ത്തെ​ക്കു​റി​ച്ച് പൊലീ​സ് പ​റ​യു​ന്ന​ത്: മ​രിച്ച ബി​നു​വി​ന്റെ വീ​ട്ടി​ലേ​ക്കു​ള്ള ഇ​ടു​ങ്ങി​യ വ​ഴി അ​റ​സ്റ്റി​ലാ​യ വി​ജ​യ​കു​മാ​റി​ന്റെ വീ​ടി​ന​ടു​ത്തു കൂ​ടി​യാ​ണ്. തി​ങ്ക​ളാ​ഴ്​ച രാ​ത്രി​ വി​ജ​യ​കു​മാ​റി​ന്റെ മ​ക്കൾ കി​ട​ന്ന​ത് ബി​നു​വി​ന്റെ വീ​ട്ടി​ലാ​യി​രു​ന്നു. കു​ട്ടി​ക​ളെ വിളി​ക്കാൻ ചെ​ന്ന വി​ജ​യ​കു​മാ​റും ബിനുവുമാ​യി വാ​ക്കേ​റ്റ​മു​ണ്ടാ​യി. തുടർന്ന് വി​ജ​യ​കു​മാർ കു​ട്ടി​ക​ളു​മാ​യി വീ​ട്ടി​ലേ​ക്ക് പോ​യി. ബി​നു വീ​ണ്ടും വഴക്കിന് വ​രു​മെ​ന്ന​റി​യാ​വു​ന്ന വി​ജ​യ​കു​മാർ ത​ന്റെ വീ​ടി​നു മു​ന്നിൽ കേ​ബി​ളി​ലൂ​ടെ വൈ​ദ്യു​തി ക​ട​ത്തി​വി​ട്ടു. പ​ത്ത​ര മണി​യോ​ടെ ഇ​വി​ടെ​ എ​ത്തി​യ ബി​നു​ വിജ​യ​കു​മാ​റി​ന്റെ വീ​ടി​ന്റെ ചു​വ​രിൽ പി​ടി​ച്ച​പ്പോൾ ഷോ​ക്കേ​റ്റ് വീ​ഴു​ക​യാ​യി​രു​ന്നു.
പ​രി​ക്കേ​റ്റ് വീ​ടി​ന് മു​ന്നിൽ കി​ട​ന്ന ബി​നു​വി​നെ വി​വ​ര​മ​റി​ഞ്ഞെ​ത്തി​യ കു​ടും​ബാംഗങ്ങൾ വീ​ട്ടിൽ കൊ​ണ്ടു പോ​യി ​കി​ട​ത്തി. ചൊ​വ്വാ​ഴ്​ച രാ​വി​ലെ​യാ​ണ് മ​രണം സ്ഥിരീകരിച്ചത്. പോസ്റ്റുമോർട്ടം റിപ്പോർട്ടിലും ബിനുവിന്റെ മരണം ഷോക്കേറ്റാണെന്ന് വ്യക്തമായിരുന്നു. തുടർന്നാണ് വിജയകുമാറിനെ അറസ്റ്റ് ചെയ്തത്.
മ​രിച്ച ബി​നു സ്ഥി​ര​മാ​യി വി​ജ​യ​കു​മാ​റി​ന്റെ വീ​ട്ടി​ലെ​ത്തി വ​ഴ​ക്കി​ടാ​റു​ണ്ടാ​യി​രു​ന്ന​താ​യി പൊ​ലീ​സ് പ​റ​ഞ്ഞു. പി​ടി​യി​ലാ​യ വി​ജ​യ​കു​മാർ മ​നോ​രോ​ഗ​ത്തി​ന് ചി​കിൽ​സ​യി​ലാ​യി​രു​ന്ന​താ​യി പ​റ​യു​ന്നു. ചാ​ത്ത​ന്നൂർ എ.സി.പി ജ​വ​ഹർ ജ​നാർ​ദ്, കൊ​ട്ടി​യം എ​സ്.എ​ച്ച്.ഒ അ​ജ​യ് നാ​ഥ്, എ​സ്.ഐ​ മാ​രാ​യ അ​നൂ​പ്, തൃ​ദീ​പ് ച​ന്ദ്രൻ, അ​ഷ്ട​മൻ, എ​സ്.സി.പി.ഒ സു​നിൽ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ സം​ഘ​മാ​ണ് പ്ര​തി​യെ അറസ്റ്റ് ചെയ്ത​ത്.