ചെസ്, കംഗാരു തുടങ്ങിയ ചിത്രങ്ങളുടെ സംവിധായകൻ രാജ്ബാബു ഒരുക്കുന്ന ആദ്യ തമിഴ് ചിത്രമായ സെയ് നാളെ തിയേറ്ററുകളിലെത്തും. നകുലും, ആഞ്ചാൽ മുഞ്ചാ ളും നായകനും നായികയുമാകുന്ന ഈ ത്രില്ലറിൽ പ്രകാശ് രാജ്, നാസർ തുടങ്ങിയവരും വേഷമിടുന്നുണ്ട്. രാജേഷ്. കെ. രാമനും, വിഘ്നേഷ് രാഘവനും ചേർന്ന് രചന നിർവഹിക്കുന്ന ചിത്രം ട്രിപ്പി ടർട്ടിൽ പ്രൊഡക്ഷൻസിന്റെ ബാനറിൽ മാനു, ഉമേഷ് എന്നിവർ ചേർന്നാണ് നിർമ്മിക്കുന്നത്. വിജയ് ഉലകനാഥാണ് ഛായാഗ്രാഹകൻ. സംഗീതം : എൻ.വൈ.കെ. ലോപ്പസ്.ശ്രേയാ ഘോഷാൽ, സോനു നിഗം, ശങ്കർ മഹാദേവൻ, ബെന്നി ദയാൽ എന്നിവരാണ് ഗാനങ്ങളാലപിച്ചിരിക്കുന്നത്.