ന്യൂഡൽഹി: ശബരിമല വിഷയത്തിൽ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ വെല്ലുവിളി സ്വീകരിച്ച് ബി.ജെ.പി സംസ്ഥാന അദ്ധ്യക്ഷൻ ശ്രീധരൻപിള്ള രംഗത്ത്. ആശയ സംവാദത്തിന് സമയവും തീയതിയും കോടിയേരി ബാലകൃഷ്ണൻ തന്നെ തീരുമാനിക്കട്ടയെന്ന് ശ്രീധരൻപിള്ള പറഞ്ഞു. കഴിഞ്ഞ ദിവസം വാർത്ത സമ്മേളനത്തിനിടെ കോടിയേരി ശ്രീധരൻപിള്ളയെ ആശയസംവാദത്തിന് വെല്ലുവിളിച്ചിരുന്നു.

ശബരിമല വിഷയത്തിൽ ആശയപരമായ സംവാദത്തിനു ബി.ജെ.പി അദ്ധ്യക്ഷൻ പി.എസ്. ശ്രീധരൻപിള്ളയെ വെല്ലുവിളിക്കുന്നെന്നും യുവതീ പ്രവേശത്തിനെതിരല്ല, കമ്യൂണിസ്റ്റുകൾക്കെതിരാണ് സമരമെന്ന് ശ്രീധരൻപിള്ള വ്യക്തമാക്കിയ സ്ഥിതിക്ക് തെരുവിൽ ആശയപ്രചാരണത്തിന് തയാറാകണമെന്നും കോടിയേരി പറഞ്ഞിരുന്നു.