സിഡ്നി: മഴയുടെ വിളയാട്ടം നടക്കുന്ന ഇന്ത്യയും ആസ്ട്രേലിയയും തമ്മിലുള്ള ട്വന്റി -20 പരമ്പരയിലെ നിർണായകമായ അവസാന മത്സരം ഇന്ന് സിഡ്നിയിൽ നടക്കും. ഇന്ത്യൻ സമയം ഉച്ചയ്ക്ക് 1.20 മുതലാണ് മത്സരം. പരമ്പരയിൽ 0-1ന് പിന്നിലായിരിക്കുന്ന ഇന്ത്യയ്ക്ക് ഇന്ന് ജയിച്ചാൽ മാത്രമേ പരമ്പര സമനിലയാക്കാൻ കഴിയൂ.

മഴ തടസപ്പെടുത്തിയ ഗാബയിൽ നടന്ന ആദ്യ മത്സരത്തിൽ ഡക്‌വർത്ത് ലൂയിസ് നിയമപ്രകാരം നാല് റൺസിനായിരുന്നു ആസ്ട്രേലിയയുടെ ജയം. ആസ്ട്രേലിയ നേടിയ റൺസിനെക്കാൾ കൂടുതൽ നേടിയിട്ടും മഴ നിയമം ഇന്ത്യയ്ക്ക് പാരയാവുകയായിരുന്നു. മെൽബൺ വേദിയായ രണ്ടാം മത്സരം മഴമൂലം ഉപേക്ഷിക്കുകയായിരുന്നു. ടോ​സ് ​ന​ഷ്ട​പ്പെ​ട്ട് ​ബാ​റ്റിം​ഗി​നി​റ​ങ്ങി​യ​ ​ആ​സ്ട്രേ​ലി​യ​ 19​ ​ഓ​വ​റി​ൽ​ 7​ ​വി​ക്ക​റ്റ് ​ന​ഷ്ട​ത്തി​ൽ​ 132​ ​റ​ൺ​സ് ​എ​ന്ന​ ​നി​ലി​യി​ലാ​യി​രി​ക്കു​മ്പോ​ഴാ​ണ് രണ്ടാം മത്സരത്തിനിടെ ​മ​ഴ​യെ​ത്തി​യ​ത്.​ ​പി​ന്നീ​ട് ​ഇ​ന്ത്യ​യു​ടെ​ ​വി​ജ​യ​ ​ല​ക്ഷ്യം​ ​ആ​ദ്യം​ 19​ ​ഓ​വ​റി​ൽ​ 137​ ​റ​ൺ​സാ​യി​ ​നി​ശ്ച​യി​ച്ചു.​ ​പി​ന്നീ​ട് 11​ ​ഓ​വ​റി​ൽ​ 90​ ​റ​ൺ​സാ​യും​ 5​ ​ഓ​വ​റി​ൽ​ 46​ ​റ​ൺ​സാ​യും​ ​പു​ന​ർ​നി​ശ്ച​യി​ച്ചെ​ങ്കി​ലും​ ​മോ​ശം​കാ​ലാ​വ​സ്ഥ​മൂ​ലം​ ​ക​ളി​കാ​ണാ​നെ​ത്തി​യ​ ​അ​റു​പ​തി​നാ​യി​ര​ത്തോ​ളം​ ​കാ​ണി​ക​ളെ​ ​നി​രാ​ശ​രാ​ക്കി​ ​മ​ത്സ​രം​ ​ഉ​പേ​ക്ഷി​ച്ച​താ​യി​ ​പ്ര​ഖ്യാ​പി​ക്കു​ക​യാ​യി​രു​ന്നു.​

സിഡ്നിയിൽ മഴയ്ക്ക് സാധ്യതയില്ലെന്നാണ് കാലാവസ്ഥാ പ്രവചനമെങ്കിലും ഇവിടെ കടുത്ത കാറ്റ് വീശുന്നുണ്ട്.ഇരു ടീമും ഒരു ട്വന്റി-20 മത്സരത്തിൽ ഏറ്രുമുട്ടിയിട്ടുണ്ട്. 2016ൽ നടന്ന ആ മത്സരത്തിൽ അവസാന പന്തിൽ ഇന്ത്യ ത്രസിപ്പിക്കുന്ന ജയം സ്വന്തമാക്കിയിരുന്നു.

ഇന്ന് ഇന്ത്യ ചഹാലിന് ആദ്യ ഇലവനിൽ അവസരം നൽകാൻ സാധ്യതയുണ്ട്.

ബില്ലി സ്റ്രാൻലേക്കിന് പരിക്കേറ്റതിനാൽ ടെസ്റ്റ് പരമ്പര മുന്നിൽക്കണ്ട് വിശ്രമം അനുവദിച്ചിരുന്ന മിച്ചൽ സ്റ്റാർക്കിനെ ആസ്ട്രേലിയ മൂന്നാം ട്വന്റി-20യ്ക്കുള്ള ടീമിൽ ഉൾപ്പെടുത്തിയിട്ടുണ്ട്.