കാസർകോഡ്: മുഖ്യമന്ത്രി പിണറായി വിജയന് നേരെ ബി.ജെ.പി പ്രവർത്തകരുടെ പ്രതിഷേധം. കാസർകോഡ് ഒക്കിനടുക്കയിലെ സർക്കാർ മെഡിക്കൽ കോളേജ് കെട്ടിടത്തിന്റെ ശിലാസ്ഥാപനത്തിനെത്തിയപ്പോഴാണ് മുഖ്യമന്ത്രിക്ക് നേരെ ബി.ജെ.പി പ്രവർത്തകർ പ്രതിഷേധവുമായി എത്തിയത്. ഇതിനെ തുടർന്ന് മറ്റൊരു വഴിയിലൂടെ മുഖ്യമന്ത്രി വേദിയിലെത്തുകയായിരുന്നു.
ബി.ജെ.പി നേതാവ് കെ.സുരേന്ദ്രന്റെ അറസ്‌റ്റിൽ പ്രതിഷേധിച്ചായിരുന്നു മുഖ്യമന്ത്രിയ്‌ക്ക് നേരെയുള്ള പ്രതിഷേധം. എന്നാൽ പ്രകടനം അരക്കിലോമീറ്റർ അകലെ വച്ച് പൊലീസ് തടഞ്ഞു. പോലീസുകാരും പ്രവർത്തകരും തമ്മിൽ ഉന്തും തള്ളുമുണ്ടായി. സംഘർഷ സാധ്യത കണക്കിലെടുത്ത് മേഖലയിൽ കൂടുതൽ പൊലീസിനെ വിന്യസിച്ചിരുന്നു.