ശ്രീനഗർ: കാശ്‌മീരിലെ ഷോപിയാനിൽ ആറ് ഭീകരർ കൊല്ലപ്പെട്ട ഏറ്റുമുട്ടലിന് പിന്നാലെ സുരക്ഷാ സൈന്യത്തിനുനേരെ പ്രതിഷേധക്കാരുടെ കല്ലേറ്. എ.എൻ.ഐ ആണ് നിരനിരയായി നീങ്ങുന്ന സൈനിക വാഹനങ്ങൾക്കുനേരെ പ്രതിഷേധക്കാർ കല്ലെറിയുന്നതിന്റെ വീഡിയോ പുറത്തുവിട്ടത്. കൂട്ടം കൂടിയാണ് ഭീകരർ കല്ലെറിയുന്നത്. ചിലർ വാഹനങ്ങളുടെ തൊട്ടടുത്തേക്ക് ഓടിയെത്തി സൈനികരെ കല്ലെറിയാൻ ശ്രമിക്കുന്നതും വീഡിയോയിൽ കാണാം.

പുലർച്ചെ ആരംഭിച്ച ഏറ്റുമുട്ടൽ ഇപ്പോഴും തുടരുകയാണ്. ഒരു ഭീകരൻ കൂടി ഒളിച്ചിരിക്കുന്നുണ്ടെന്ന് നേരത്തെ സൂചനയുണ്ടായിരുന്നു. പാക് ഭീകരർ അടക്കമുള്ളവരെയാണ് ഷോപിയാനിൽ നടന്ന ഏറ്റുമുട്ടലിൽ രാവിലെ സൈന്യം വധിച്ചത്. ഒരു സൈനികന്‍ ഏറ്റുമുട്ടലിനിടെ വീരമൃത്യു വരിക്കുകയും ചെയ്‌തു. മണിക്കൂറുകൾക്കകം ആയിരുന്നു കല്ലേറെന്ന് വാർത്താ ഏജൻസിയുടെ റിപ്പോർട്ടിൽ പറയുന്നു.

#WATCH: Protesters pelt stones on the vehicles of security forces in Shopian following the encounter in Kapran Batagund area which concluded earlier today. 6 terrorists were neutralised and one Army jawan died in action. #JammuandKashmir pic.twitter.com/0YHX3sFAX9

— ANI (@ANI) November 25, 2018