ദുബായ്: യു.എ.ഇയിലാണോ നിങ്ങൾ വാട്സാപ്പ് ഉപയോഗിക്കുന്നുണ്ടോ?​ എങ്കിൽ ചിലതൊക്കെ ശ്രദ്ദിക്കണം. യു.എ.ഇ ടെലികമ്യൂണിക്കേഷൻസ് റെഗുലേറ്ററി അതോരിറ്റി പുറപ്പെടുവിച്ച മുന്നറിയിപ്പ് ശ്രദ്ധിക്കുക. വാട്സാപ്പ് അക്കൗണ്ടുകൾ ഹാക്ക് ചെയ്യാൻ പുതിയ അടവുകളുമായി ചിലരെത്തിയിട്ടുണ്ട്. ഒരു വെരിഫിക്കേഷൻ കോഡ് നമ്പർ അയച്ചു തരികയും അതിലൂടെ വാട്സാപ്പ് ഹാക്ക് ചെയ്യാൻ ശ്രമിക്കുകയാണ് പുതിയ രീതിയെന്ന് ട്രാ മുന്നറിയിപ്പ് നൽകുന്നു.

വാട്സാപ്പിൽ പുതിയതായി രജിസ്റ്റർ ചെയ്യുമ്പോൾ ലഭിക്കുമ്പോൾ ലഭിക്കുന്നത് പോലുള്ള ഒരു ടെക്സ്റ്റ് മെസ്സേജ് ഫോണിലേക്ക് വരും ഈ രീതിയിലാണ് സംഘം ഹാക്കിംഗ് നടത്താനുപയോഗിക്കുന്നത്. മെസ്സേജിൽ കാണുന്ന ലിങ്കിൽ ക്ലിക്ക് ചെയ്ത ശേഷം മൊബൈൽ നമ്പരും ആറക്ക രഹസ്യ കോഡും ചേർക്കാനാണ് ആവശ്യപ്പെടുന്നത്. ഇത് ചെയ്തു കഴിഞ്ഞാൽ മറ്റൊരു ലിങ്ക് വരും അതിൽ ക്ലിക്ക് ചെയ്ത് വെരിഫിക്കേഷൻ പൂർത്തിയാക്കാനാൻ ആവശ്യപ്പെടും. ഇതിലൂടെ അക്കൗണ്ട് ഹാക്കിംഗ് ആണ് നടക്കുന്നത്.
ഇത്തരം തട്ടിപ്പിൽ വീഴരുതെന്നും നിങ്ങളുടെ അക്കൗണ്ട് ഹാക്ക് ചെയ്യാൻ സാധ്യതയുണ്ടെന്നും ട്രാ മുന്നറിയിപ്പ് നൽകുകയാണ്. തട്ടിപ്പ് നടക്കുന്നതിനെ കുറിച്ചുള്ള വീഡിയോയും ട്വിറ്ററിൽ പോസ്റ്റ് ചെയ്തിട്ടുണ്ട് ട്രാ. ടെക്സ്റ്റ് മെസ്സേജുകൾക്കൊപ്പം വരുന്ന ലിങ്കുകളിൽ ക്ലിക്ക് ചെയ്യരുതെന്ന് സുരക്ഷാ വിധഗ്ദർ നേരത്തേ ജനങ്ങൾക്ക് മുന്നറിയിപ്പ് നൽകിയിരുന്നു.

انتبه من هذه الرسالة، فقد تؤدي إلى اختراق حسابك في تطبيق الواتساب!#هيئة_تنظيم_الاتصالات #نصيحة #aeCERT pic.twitter.com/yfW7bcL4bR

— هيئة تنظيم الاتصالات (@TheUAETRA) November 24, 2018