ചെന്നൈ :രാജ്യത്ത് 500,1000 രൂപ മൂല്യമുള്ള നോട്ട്കളുടെ നിരോധനത്തിന് രണ്ട് വയസ് പൂർത്തിയാവുമ്പോഴും നോട്ടുകൾ വഴിയരികിൽ ഉപേക്ഷിക്കപ്പെടുന്നു. കഴിഞ്ഞ ദിവസം ചെന്നൈയ്ക്കടുത്തുള്ള മദവാര എന്ന സ്ഥലത്ത് മാലിന്യം ഉപേക്ഷിക്കുന്ന സ്ഥലത്ത് മുപ്പത്തിയാറ് ചാക്കുകളിലായി നിരോധിച്ച 500,1000 നോട്ടുകൾ കണ്ടെത്തി. നോട്ട്കളെല്ലാം കീറിയ അവസ്ഥയിലാണ് ഉപേക്ഷിക്കപ്പെട്ട നിലയിൽ കണ്ടെത്തിയത്. രാത്രിയിൽ ലോറിയിലാണ് ചാക്കുകളിലാക്കി നോട്ടുകൾ ആളൊഴിഞ്ഞ പറമ്പിൽ എത്തിച്ചതെന്ന് തിരിച്ചറിഞ്ഞിട്ടുണ്ട്. കോടികളുടെ മൂല്യമുണ്ടായിരുന്ന നോട്ട്കളാണ് ഉപേക്ഷിച്ചത്. കള്ളപ്പണം വൻ തോതിൽ ഒളിപ്പിച്ചവർ ഇനി അതൊരിക്കലും വെളുപ്പിച്ചെടുക്കാനാവില്ലെന്ന തിരിച്ചറിവിലാണ് ഉപേക്ഷിച്ചതെന്ന് കരുതുന്നത്. നിരോധിച്ച നോട്ടുകൾ വലിയ അളവിൽ സൂക്ഷിക്കുന്നതും കുറ്റകരമാണ്. ഉപേക്ഷിക്കപ്പെട്ട നോട്ടുകൾ പൊലീസ് കസ്റ്റഡിയിലെടുത്തു.