മുംബയ്: ലൈംഗിക ബന്ധം നിരസിച്ച സുഹൃത്തിനെ യുവാവ് കൊലപ്പെടുത്തി. മുംബയ്ക്കടുത്ത് മലാദിലെ പത്താൻവാടിയ്ക്ക് സമീപം കൈലാസ് ഗ്രാനൈറ്റ് ആൻഡ് മാർബിൾ സ്റ്റോറിന് സമീപം വെള്ളിയാഴ്ച രാത്രിയാണ് സംഭവം. സംഭവത്തിൽ പ്രതിയായ മുഹമ്മദ് ഷക്കീൽ ഉല്ലാ ഷെയ്ഖിനെ (19) പൊലീസ് അറസ്റ്റ് ചെയ്തു.

കൊല്ലപ്പെട്ട അസ്ലമും നൂർ മുഹമ്മദും മയക്ക് മരുന്ന് അടിമകളായിരുന്നു. ഇരുവരും ഒരുമിച്ചാണ് ലഹരി വസ്തുക്കൾ ഉപയോഗിച്ചിരുന്നത്. സംഭവം നടന്ന ദിവസം രാത്രി 11.30ന് മലാദിൽ വച്ച് ഇരുവരും കണ്ടുമുട്ടുകയും ലഹരി പദാർത്ഥങ്ങൾ ഉപയോഗിക്കുകയും ചെയ്തിരുന്നു. തുടർന്ന് ലൈംഗിക ബന്ധത്തിന് നൂർ മുഹമ്മദ് അസ്ലമിനെ നിർബന്ധിക്കുകയായിരുന്നു. എന്നാൽ നൂർ മുഹമ്മദിന്റെ ആവശ്യം അസ്ലം നിരസിച്ചു. ഇതിനെ ചൊല്ലി ഇരുവരും തമ്മിൽ വാക്ക് തർക്കമുണ്ടാകുകയും അസ്ലമിനെ നൂർ മുഹമ്മദ് ശ്വാസം മുട്ടിച്ച് കൊല്ലുകയുമായിരുന്നു.