റാമിന്റെയും ജാനുവിന്റെയും നഷ്ടപ്രണയത്തിന്റെ കഥ പറഞ്ഞ തമിഴ് സൂപ്പർ ഹിറ്റ് ചിത്രം 96 ലെ ഡീലീറ്റ് ചെയ്ത രംഗം പുറത്തുവന്നു. വിജയ് സേതുപതിയും തൃഷയുമാണ് റാമിന്റയും ജാനുവിന്റെയും വേഷങ്ങളിലെത്തിയത്. ജാനുവിന് പ്രശസ്ത ഗായിക എസ്.ജാനകിയെ റാം പരിചയപ്പെടുത്തുന്ന രംഗമാണ് അണിയറ പ്രവർത്തകർ പുറത്തുവിട്ടത്.

ചിത്രത്തിൽ എസ്. ജാനകിയുടെ പാട്ടുകൾ പാടുന്ന ജാനകീദേവി എന്ന ജാനുവായാണ് തൃഷ എത്തിയത്. ജാനകിയുടെ പാട്ടുകൾ ചിത്രത്തിന്റെ കഥാഗതിയോട് ചേർന്നുനിൽക്കുന്നുണ്ട്. 96ൽ ജാനു പാടുന്ന യമുന ആറ്രിലെ എന്ന ഗാനം എസ്. ജാനകി ദളപതി എന്ന ചിത്രത്തിന് വേണ്ടി പാടിയതാണ്. 96 റിലീസ് ചെയ്തതിന് ശേഷം യമുന ആറ്റിലെ എന്ന ഗാനം പ്രേക്ഷകർക്ക് വീണ്ടും പ്രിയപ്പെട്ടതായിരുന്നു.

കേരളത്തിലും 96 മികച്ച വിജയം നേടിയിരുന്നു. 1996ലെ സ്‌കൂൾ പ്രണയമാണ് ചിത്രത്തിലെ മുഖ്യ പ്രമേയം. സി. പ്രേംകുമാറാണ് 96 സംവിധാനം ചെയ്തത്. വർഷ ബൊല്ലമ്മ, ആദിത്യ ഭാസ്കർ, ഗൗരി ജി. കിഷൻ, ദേവദർശിനി, ജനകരാജ് എന്നിവരാണ് ചിത്രത്തിലെ മറ്റ് താരങ്ങൾ.