മമ്മൂട്ടിയ്ക്കും നവ്യാനായർക്കും ഒരേ അസുഖമാണെന്നാണ് നവ്യയുടെ ആരാധകർ പറയുന്നത്. അതെന്ത് അസുഖമെന്ന് ചോദിക്കുമ്പോഴാണ് ചിരിവരിക. ഇപ്പോഴും 17കാരനെപ്പോലെയാണ് മമ്മൂട്ടിയെന്നും നവ്യയ്ക്കും അതേ അസുഖമാണെന്നുമാണ് ആരാധകരുടെ പക്ഷം. വിവാഹം കഴിഞ്ഞ് ഒരു കുട്ടിയുടെ അമ്മയായിട്ടും നവ്യയുടെ ആ പഴയ സൗന്ദര്യത്തിന് ഒരു കുറവും വന്നിട്ടില്ലെന്നാണ് അവരുടെ കണ്ടെത്തൽ. കഴിഞ്ഞ ദിവസം നവ്യ ഇൻസ്റ്റഗ്രാമിൽ പങ്കുവെച്ച ഫോട്ടോയ്ക്ക് ചുവടെയാണ് നവ്യയുടെ സൗന്ദര്യത്തെക്കുറിച്ച് ആരാധകർ കമന്റിട്ടിരിക്കുന്നത്. പണ്ട് സിനിമയിൽ ഉണ്ടായിരുന്ന അതേ പോലെ തന്നെ, അല്ലെങ്കിൽ കുറച്ചുകൂടെ സൗന്ദര്യം കൂടിയിട്ടുണ്ടെന്നാണ് കമന്റുകൾ. മലയാളത്തിന് പുറമേ തമിഴ്, കന്നഡ തുടങ്ങിയ ഭാഷകളിലും നവ്യ തിളങ്ങിയിട്ടുണ്ട്. നല്ല കഥകൾ തിരഞ്ഞെടുത്ത് വീണ്ടും മലയാളത്തിലേക്ക് തിരിച്ചുവരാനും ആരാധകർ പറയുന്നുണ്ട്. 2014ൽ റിലീസിനെത്തിയ ദൃശ്യ കന്നഡ ചിത്രത്തിലായിരുന്നു നവ്യ അവസാനമായി അഭിനയിച്ചിരുന്നത്. എന്നാൽ, നൃത്തരംഗത്ത് നവ്യ ഇപ്പോഴും സജീവമാണ്.