ന്യൂഡൽഹി: നടപ്പു സാമ്പത്തിക വർഷത്തെ രണ്ടാംപാദമായ ജൂലായ്-സെപ്‌തംബറിൽ ഇന്ത്യയുടെ മൊത്ത ആഭ്യന്തര ഉത്‌പാദന (ജി.ഡി.പി) വളർച്ച 7.1 ശതമാനമായി കുറഞ്ഞു. ആദ്യപാദമായ ഏപ്രിൽ-ജൂണിൽ ഇന്ത്യ 8.2 ശതമാനം വളർന്നിരുന്നു. സമ്പ‌ദ്‌വളർച്ചയുടെ നട്ടെല്ലായ മാനുഫാക്‌ചറിംഗ് മേഖല ആദ്യപാദത്തിലെ 13.5 ശതമാനത്തിൽ നിന്ന് 7.4 ശതമാനത്തിലേക്കും കാർഷിക മേഖല 5.3 ശതമാനത്തിൽ നിന്ന് 2.6 ശതമാനത്തിലേക്കും വളർച്ചായിടിവ് രേഖപ്പെടുത്തിയതാണ് തിരിച്ചടിയായത്.

അതേസമയം, കഴിഞ്ഞപാദത്തിലും ചൈനയെ പിന്തള്ളി ലോകത്തെ ഏറ്റവും വേഗം വളരുന്ന രാജ്യമെന്ന പട്ടം ഇന്ത്യ നിലനിറുത്തി. ചൈനയുടെ ജി.ഡി.പി വളർച്ച കഴിഞ്ഞപാദത്തിൽ 6.5 ശതമാനമാണ്.