കോന്നി: കല്ലേലി ഊരാളി അപ്പൂപ്പൻ കാവിൽ കഴിഞ്ഞ ദിവസം രാത്രിയിൽ മോഷണ ശ്രമം. കാവ്​ സ്റ്റാളിന്റെ പൂട്ട് തകർക്കാനുള്ള ശ്രമം തടഞ്ഞ കാവിലെ രണ്ടാം ഊരാളി മല്ലശ്ശേരി രണ്ടാംതറ വീട്ടിൽ ഗോപാലന് (54) നേരെ ആക്രമണം ഉണ്ടായി.തലയ്ക്ക് അടിയേറ്റ ഗോപാലനെ ഗുരുതര പരിക്കുകളോടെ പത്തനംതിട്ട ജനറൽ ആശുപത്രിയിൽ പ്രവേശിപ്പിച്ചു.
ആക്രമി സംഘങ്ങളെ അടിയന്തരമായി പിടികൂടണമെന്നാവശ്യപ്പെട്ട് കാവ്​ പ്രസിഡന്റ് അഡ്വ.സി.വി.ശാന്തകുമാർ മുഖ്യമന്ത്രിയ്ക്കും പൊലീസിനും പരാതി നൽകി.