അ​ടൂർ: മു​ണ്ട​പ്പ​ള്ളി ക്ഷീ​രോ​ല്​പാ​ദ​ക സ​ഹക​ര​ണ സം​ഘ​ത്തിന്റെ ബ​ഡ്​ജറ്റ് പൊതു​യോ​ഗം വൈ. എം. സി. എ. ഹാ​ളിൽ സം​ഘം പ്ര​സി​ഡന്റ് മു​ണ്ട​പ്പ​ള്ളി തോ​മ​സിന്റെ അ​ദ്ധ്യ​ക്ഷ​ത​യിൽ കൂടി. യോ​ഗത്തിൽ ജില്ലാ പ​ഞ്ചാ​യത്ത് അം​ഗം ടി. മു​രു​കേഷ് ബ്ലോ​ക്ക് പ​ഞ്ചാ​യ​ത്തം​ഗം ആ​ശാ ഷാജി, ക്ഷീ​ര വി​കസ​ന വ​കു​പ്പ് ഡെ​പ്യൂ​ട്ടി ഡ​യറ​ക്ടർ സിൽ​വി മാ​ത്യു, ഡയ​റി എ​ക്​സ്റ്റൻ​ഷൻ ആ​ഫീ​സർ മാത്യു വ​ർ​ഗീ​സ്, ഡ​യ​റി ഫാം ഇൻ​സ്‌​പെ​ക്ടർ സ​ജി പി. വി​ജയൻ, മിൽ​മാ സൂപ്പർ​വൈ​സർ പി. ഗോ​പ​കു​മാർ, ഡോ. വി​ഷ്​ണു ദത്ത്, പെ​രി​ങ്ങ​നാട് സർവീസ് സ​ഹക​ര​ണ ബാങ്ക് പ്ര​സിഡന്റ് ര​വീ​ന്ദ്ര​ക്കു​റു​പ്പ്, ലൈ​വ് സ്റ്റോ​ക്ക് അ​സി​സ്​റ്റന്റ് വി​ജ​യ​കു​മാ​രി എ​ന്നി​വർ പ്ര​സം​ഗി​ച്ചു. കർ​ഷ​കർ​ക്കും വി​ദ്യാർ​ത്ഥി​കൾ​ക്കും സ​മ്മാ​ന​ങ്ങ​ളും ക്യാ​ഷ് അ​വാർ​ഡും വി​തര​ണം ന​ടത്തി. പി. ന​രേ​ന്ദ്ര​നാ​ഥൻ നാ​യർ സ്വാ​ഗ​തവും സം​ഘം സെ​ക്ര​ട്ടറി എൻ. മീ​ര ന​ന്ദിയും പ​റഞ്ഞു.
പ്ര​വർ​ത്ത​ന​വർ​ഷം സം​ഘം ആ​ഡി​റ്റ് എ​യിൽ എ​ത്തു​കയും പ്ര​തി​ദി​നം പ്ര​തി​ദി​നം 850 ലി​റ്റർ പാൽ സം​ഭ​രി​ക്കു​കയും ചെ​യ്യുന്നു. സ്വ​ന്ത​മാ​യി ഭൂ​മി വാ​ങ്ങി പുൽ​കൃ​ഷി ആ​രം​ഭി​ക്കു​ക​യും കെ​ട്ടി​ട നിർ​മ്മാ​ണ​ത്തി​നു​ള്ള ഭൂ​മി വാ​ങ്ങു​ക​യും ചെ​യ്തു. മിൽ​മ​യു​ടെ സ​ഹാ​യ​ത്തോ​ടെ കൃ​ഷി​ക്കാർ​ക്കും എല്ലാ ദി​വ​സ​വും ഡോ​ക്ട​റുടെ സേ​വനം ഉറ​പ്പു വ​രു​ത്തി​യി​ട്ടു​ണ്ട്. അപ​ക​ട മ​ര​ണ​ത്തി​ന് 5 ല​ക്ഷം രൂ​പ​യും സാ​ധാ​ര​ണ മ​ര​ണ​ത്തിന് രണ്ട് ല​ക്ഷം രൂ​പ​യും കു​ടും​ബാം​ഗ​ങ്ങൾക്ക് ഉൾ​പ്പെടെ ചി​കി​ത്സ​യും ഉ​രു​ക്കൾക്ക് ന​ഷ്ട​പ​രി​ഹാ​രവും ഉറ​പ്പു വ​രു​ത്തു​ന്ന സർ​ക്കാ​രും ക്ഷേ​മ​നിധി ബോർ​ഡും ചേർ​ന്ന ആ​രം​ഭി​ക്കു​ന്ന ഇൻ​ഷു​റൻസ് പ​ദ്ധ​തി​യിൽ സം​ഘം പ​ങ്കാ​ളി​യാ​യി​ട്ടു​ണ്ട്. 2019-20 വർ​ഷ​ത്തേ​ക്ക് 12 ലക്ഷം രൂ​പാ ലാ​ഭ​വും 15981310 രൂ​പാ വ​ര​വും 14744000 രൂ​പാ ചെ​ല​വും വ​രു​ന്ന ബ​ഡ്​ജറ്റും യോ​ഗം അം​ഗീ​ക​രിച്ചു.