കരുനാഗപ്പള്ളി: കെ.എസ്.ആർ.ടി.സി ഫാസ്റ്റ് പാസഞ്ചർ ബസിടിച്ച് ബൈക്ക് യാത്രികൻ കുലശേഖരപുരം നീലികുളം ചെറുവള്ളിൽ റിട്ട. റെയിൽവേ ഉദ്യോഗസ്ഥൻ ശിവദാസൻ (66) മരിച്ചു. പിന്നിലിരുന്ന് യാത്ര ചെയ്തിരുന്ന ആനന്ദൻ (61) രക്ഷപെട്ടു. കഴിഞ്ഞദിവസം രാത്രി 8.30 മണിയോടെ ആനന്ദ നഴ്സിംഗ് ഹോം ജംഗ്ഷന് സമീപം ദേശീയപാതയിലാണ് അപകടം. കൊടിക്കര ശ്രീഭുവനേശ്വരി ക്ഷേത്രത്തിലേക്ക് ആയില്യപൂജാ സാധനങ്ങൾ വാങ്ങി തിരിച്ചുവരുമ്പോൾ ബസ് ഇടിക്കുകയായിരുന്നു. ശിവദാസന്റെ ദേഹത്ത് കൂടി ബസിന്റെ ചക്രം കയറിയിറങ്ങി. ഭാര്യ: സുധ. മക്കൾ: ദീപക്, വൈശാഖ്. മരുമകൾ: ദർശന.