കൊല്ലം: തിരുവനന്തപുരം, കൊല്ലം, പത്തനംതിട്ട, തിരുവല്ല ആർ.എം.എസ് ഡിവിഷനുകളിലെ ജീവനക്കാരുടെയും കുടുംബാംഗങ്ങളുടെയും കലാമേള പിന്നണി ഗായിക പ്രൊഫ. എൻ. ലതിക ഉദ്ഘാടനം ചെയ്തു.
സോപാനത്തിൽ നടന്ന പരിപാടിയിൽ കൊല്ലം പോസ്റ്റൽ ഡിവിഷൻ സൂപ്രണ്ട് എ. സുധാകരൻ അദ്ധ്യക്ഷത വഹിച്ചു. തിരുവനന്തപുരം സൗത്ത് ഡിവിഷൻ സൂപ്രണ്ട് സി. ശിവദാസൻ പിള്ള, കൊല്ലം പോസ്റ്റ് മാസ്റ്റർ ടി.പി. ജീജാഭായി, കരുനാഗപ്പള്ളി പോസ്റ്റ് മാസ്റ്റർ ജി. ലൂസിയാമ്മ എന്നിവർ സംസാരിച്ചു. തുടർന്ന് ജീവനക്കാരുടെയും കുട്ടികളുടെയും കലാ മത്സരങ്ങൾ നടന്നു. മത്സര വിജയികൾക്ക് സർട്ടിഫിക്കറ്റ് വിതരണം സീനിയർ സൂപ്രണ്ട് എ. സുധാകരൻ നിർവഹിച്ചു.