പത്തനാപുരം: ട്രെയിൻ പോകുമ്പോൾ റെയിൽവേ ക്രോസിംഗിൽ വാഹനവുമായി കാത്തുകിടന്ന് യാത്രക്കാർ മടുത്തു.

കുന്നിക്കോട് പത്തനാപുരം പ്രധാന പാതയിൽ ആവണീശ്വരത്തെ റയിൽവേ ക്രോസിംഗിലാണ് ഇൗ സ്ഥിതി. വാഹനത്തിരക്കേറിയ ഇവിടെ മേൽപ്പാലം വേണമെന്ന ആവശ്യത്തിന് വർഷങ്ങളുടെ പഴക്കമുണ്ട്. ട്രെയിൻ പോകുന്നതിനായി ഗേറ്റ് അടയ്ക്കുമ്പോൾ വാഹനങ്ങൾ ഏറെനേരം കുടുങ്ങിക്കിടക്കും. രോഗികളുമായി എത്തുന്ന ആബുലൻസുകളും ഇക്കൂട്ടത്തിൽപ്പെടും. കോന്നി .പത്തനാപുരം ഭാഗത്ത് നിന്ന് തിരുവനന്തപുരം മെഡിക്കൽ കോളേജ് ഉൾപ്പെടെയുള്ള ഭാഗങ്ങളിലേക്ക് പോകുന്നതിനുള്ള എളുപ്പമാർഗമാണ് ഇൗ റോഡ്. . കന്യാകുമാരി. തിരുവനന്തപുരം ഭാഗത്ത് നിന്നുള്ള ശബരിമല തീർത്ഥാടകരും ഇതുവഴിയാണ് പോകുന്നത്. മാറി മാറി വരുന്ന ജനപ്രതിനിധികൾ മേൽപ്പാലം നിർമ്മിക്കുന്നതിന് നടപടി സ്വീകരിക്കുമെന്ന് വാഗ്ദാനങ്ങൾ നൽകാറുണ്ടെങ്കിലും നടപടിയുണ്ടാകാറില്ല.
കേരളത്തിൽ പുതുതായി നിർമ്മാണ അനുമതി ലഭിച്ച മേൽപ്പാലങ്ങളുടെ പട്ടികയിൽ ആവണീശ്വരവും ഇടം നേടിയെങ്കിലും തുടർ നടപടിയുണ്ടായില്ല. കൊല്ലം ചെങ്കോട്ട പാതയിൽ ഗേജ്മാറ്റ ജോലികൾ പൂർത്തിയായതോടെ ഇനിയും കൂടുതൽ ട്രയിനുകൾ ഇതുവഴി ഓടിത്തുടങ്ങുമ്പോൾ ഗതാഗത തടസം രൂക്ഷമാകും

.-------------

ആവണീശ്വരത്ത് റയിൽവേ ക്രോസിംഗിൽ മേൽപ്പാലം ഇല്ലാത്തത് മൂലം യാത്രക്കാർ ബുദ്ധിമുട്ടിൽ