തൊ​ടി​യൂർ: ന​ട്ടെ​ല്ല് ത​കർ​ന്ന് 23 വർ​ഷ​മാ​യി ഒ​രേ കി​ട​പ്പിൽ കഴിയുന്ന വിജയൻ കാഴ്ച തിരിച്ചുകിട്ടിയതിന്റെ ആഹ്ളാദത്തിലാണ്.

ക​ല്ലേ​ലി​ഭാ​ഗം വ​ട​ക്ക് തോ​ട്ടു​ക​ര അ​നു​ഭ​വ​ന​ത്തിൽ കൃ​ഷ്​ണൻകു​ട്ടി ​ ഓ​മ​ന ദ​മ്പ​തി​ക​ളു​ടെ മ​കനായ വി​ജ​യൻ (43​)​ ന്റെ ദുരിത ജീവിതത്തെ ഇരുൾ മൂടിത്തുടങ്ങിയപ്പോൾ വെളിച്ചവുമായി എത്തിയത് ച​വ​റ പർ​പ്പിൾ ഐ കെ​യർ ക​ണ്ണാ​ശു​പ​ത്രിയാണ്.

കൂലിപ്പണിക്കാരനായ വിജയൻ അപകടത്തിൽപ്പെടുന്നത് 1996​ ലെ പു​തുവ​ത്സ​ര​ദി​ന​ത്തി​ലാ​ണ്. ക​രു​നാ​ഗ​പ്പ​ള്ളി ടൗ​ണി​ന് സമീപം പ​ണി ആ​രം​ഭി​ച്ച പെ​ട്രോൾ പ​മ്പി​ന് പാ​റ ചു​മക്കുമ്പോൾ വീണാണ് നട്ടെല്ലിന് പരിക്കേറ്റത്. ഇപ്പോൾ
വ​ണ്ടാ​നം മെ​ഡി​ക്കൽ കോ​ളേ​ജി​ലെ ചി​കി​ത്സ​യി​ലാ​ണ്. സി പി എം നേ​തൃ​ത്വ​ത്തിലുള്ള പാ​ലി​യേ​റ്റീ​വ് കെ​യർ യൂ​ണിറ്റ് മാ​സ​ത്തിലൊരിക്കലെത്തി പരിചരണം നൽകും. നീ​ണ്ടകാ​ല​ത്തെ ചി​കി​ത്സ​യ്​ക്കും മ​റ്റു​മാ​യി ഈ ദ​രി​ദ്ര​കു​ടു​ബം ല​ക്ഷ​ങ്ങൾ ചെ​ല​വ​ഴി​ച്ചു. സ​ന്ന​ദ്ധ സം​ഘ​ട​ന​ക​ളും ഉ​ദാ​ര​മ​തി​ക​ളും നൽ​കു​ന്ന സ​ഹാ​യ​ത്താ​ലാ​ണ് ചെ​ല​വേ​റി​യ​ചി​കി​ത്സ​കൾ തു​ട​രു​ന്ന​ത്.
ഇ​തി​നി​ടെ​യാ​ണ് ര​ണ്ടു ക​ണ്ണ​ുക​ളു​ടെ​യും കാ​ഴ്​ച ന​ഷ്ട​പ്പെ​ടു​ന്ന​ത്. തുടർന്ന് ച​വ​റ പർ​പ്പിൾ ഐ കെ​യർ ക​ണ്ണാ​ശു​പ​ത്രി എം​ഡി ജോ​യി ഐ കെ​യ​റും, ഡോ: അ​നൂപും വി​ജ​യ​നെ കാ​ണാൻ വീ​ട്ടി​ലെ​ത്തി പരിശോധന നടത്തിയ ശേഷം സൗജന്യ ശസ്ത്രക്രിയയിലൂടെ ഒരു കണ്ണിന്റെ കാഴ്ച വീണ്ടെടുക്കുകയായിരുന്നു. അ​ടു​ത്ത ക​ണ്ണി​നു കു​ടി വൈ​കാ​തെ ശ​സ്​ത്ര​ക്രി​യ ന​ട​ത്തു​ം.മറ്റ് ചികിത്സാ ചെലവുകൾക്കായി സുമനസുകളുടെ സഹായം പ്രതിക്ഷിച്ച് കഴിയുകയാണ് വിജയൻ. ഫോൺ​ 9745881934