പരവൂർ: പൂതക്കുളംഗ്രാമപഞ്ചായത്ത് പബ്ലിക് ലൈബ്രറിയിൽ സ്ഥാപിച്ച പുസ്തകത്തൊട്ടിലിൽ പൂതക്കുളം സർവീസ് സഹകരണബാങ്ക് പ്രസിഡന്റ് ഡി.സുരേഷ്‌കുമാർ 15000 രൂപയുടെ പുസ്തകങ്ങൾ നിക്ഷേപിച്ചു. സെക്രട്ടറി കെ. അനിത,​ ഭരണസമിതി അംഗങ്ങളായ മോഹനൻപിള്ള, ശാലിനി, പി. മോഹനൻ, ഷീല, സെക്രട്ടറി വി.ജി.ഷീജ എന്നിവരും സന്നിഹിതരായിരുന്നു.

നവംബർ ഒന്നിന് കേരളപ്പിറവിദിനത്തിലാണ് തൊട്ടിൽ സ്ഥാപിച്ചത്. 5000 ബുക്കുകൾ സമാഹരിക്കുന്നതിനാണ് നിശ്ചയിച്ചത്. 1500 ൽ അധികം പുസ്തകങ്ങൾ ഇതുവരെ ലഭിച്ചു. റഫറൻസ് പുസ്തകങ്ങൾ, എൻസൈക്ലോപീഡിയ, യാത്രവിവരണങ്ങൾ, നോവലുകൾ, എന്നീ ഒട്ടേറെവിലപ്പെട്ട പുസ്തകങ്ങൾ സംഭാവനയായി ലഭിച്ചിട്ടുണ്ടെന്ന് പഞ്ചായത്ത് പ്രസിഡന്റ് എം.കെ.ശ്രീകുമാർ പറഞ്ഞു.