കൊ​ട്ടി​യം: വഴിയിൽ നിന്നും കിട്ടിയ ​ഒ​രു ല​ക്ഷം രൂപ അവകാശിക്ക് തിരികെ നൽകി വൃ​ദ്ധ​നാ​യ കർ​ഷ​കൻ മാ​തൃ​ക​യാ​യി. ന​ടു​വി​ല​ക്ക​ര ശ്യാം സ​ദ​ന​ത്തിൽ ഗോ​പി​നാ​ഥൻ​പി​ള്ള​(79)യാണ് മേ​വ​റം ആ​രി​ഫ്‌​സിൽ പ്ര​വാ​സി​യാ​യ അ​ബ്ദുൽ ഖാ​ദ​റി​ന്റെ പണം കൊട്ടിയം പൊലീസ് സ്റ്റേഷനിൽ വച്ച് കൈമാറിയത്. ഇ​ക്ക​ഴി​ഞ്ഞ 20ന് രാ​വി​ലെ പ​തി​നൊ​ന്ന് മ​ണി​യോ​ടെ പ​ണ​യം എ​ടു​ക്കു​ന്ന​തി​നാ​യി മ​യ്യ​നാ​ട് ആർ.സി ബാ​ങ്കി​ലേ​ക്ക് പോ​കുമ്പോഴാണ് അബ്ദുൽ ഖാദറിന്റെ പക്കൽ നിന്ന് പണം ന​ഷ്ട​പ്പെ​ട്ട​ത്. പെൻ​ഷൻ വാ​ങ്ങാൻ പോയ ഗോ​പി​നാ​ഥൻ​പി​ള്ള​ക്ക് അ​മ്പ​തി​നാ​യി​രം രൂ​പ​യു​ടെ ര​ണ്ട് കെ​ട്ടു​കൾ അ​ട​ങ്ങി​യ പൊ​തി ബാ​ങ്കി​ന് സ​മീ​പ​ത്തു നി​ന്ന് ലഭിക്കുകയായിരുന്നു.

അവകാശിയെ കാത്ത് ഏ​റെ നേ​രം നി​ന്നി​ട്ടും കണ്ടെത്താൻ കഴിയാതെ വന്നതോടെ ഇദ്ദേഹം പ​ണ​വു​മാ​യി വീ​ട്ടി​ലെ​ത്തുകയും തുടർന്ന് കൊ​ട്ടി​യം പൊ​ലീ​സ് സ്റ്റേ​ഷ​നി​ലെ​ത്തി എ​സ്.ഐ അ​നൂ​പി​നെ പ​ണം ഏൽ​പ്പി​ക്കു​ക​യാ​യി​രു​ന്നു. പ​ണം ന​ഷ്ട​പ്പെ​ട്ട അബ്ദുൽ ഖാദർ ഇതിനോടകം തന്നെ സ്റ്റേ​ഷ​നിൽ പ​രാ​തി നൽ​കി​യി​രു​ന്നു. തു​ടർ​ന്ന് ഇ​രു​വ​രെ​യും എ​സ്.ഐ വി​ളി​ച്ചു വ​രു​ത്തു​ക​യും ഗോ​പിനാ​ഥൻ ​പി​ള്ള​യുടെ കൈ കൊ​ണ്ടു ത​ന്നെ അ​ബ്ദുൽ ഖാ​ദ​റി​ന് പ​ണം കൈ​മാ​റുകയുമായി​രു​ന്നു.