കൊല്ലം: ജി​ല്ലാ വെ​റ്റ​റി​ന​റി കേ​ന്ദ്ര​ത്തി​ന്റെ കാ​മ്പ​സ് ഹ​രി​താ​ഭ​മാ​ക്കാ​നു​ള്ള പ​ദ്ധ​തി​ക്ക് തു​ട​ക്ക​മാ​യി. ജി​ല്ലാ പ​ഞ്ചാ​യ​ത്ത് പ്ര​സി​ഡന്റ് സി. രാ​ധാ​മ​ണി ഉ​ദ്​ഘാ​ട​നം ചെയ്തു. കൃ​ഷി വ​കു​പ്പും മൃ​ഗ​സം​ര​ക്ഷ​ണ വ​കു​പ്പും സം​യു​ക്ത​മാ​യാ​ണ് ജി​ല്ലാ മൃ​ഗാ​ശു​പ​ത്രി​യി​ലെ 25 സെന്റ് സ്ഥ​ല​ത്ത് ഗ്രോ​ബാ​ഗി​ലും നി​ല​ത്തും പ​ച്ച​ക്ക​റി കൃ​ഷി ആ​രം​ഭി​ക്കു​ന്ന​ത്.
സ്ഥാ​പ​ന പ​ച്ച​ക്ക​റി കൃ​ഷി​വ്യാ​പ​ന പ​ദ്ധ​തി വ​ഴി സർ​ക്കാർ ഓ​ഫീ​സു​ക​ളി​ലെ ല​ഭ്യ​മാ​യ ഇ​ട​ങ്ങൾ കൃ​ഷി​ഭൂ​മി​യാ​ക്കു​ന്ന​തി​ന്റെ ഭാ​ഗ​മാ​യാ​ണ് ന​ട​പ​ടി. കൃ​ഷി വ​കു​പ്പി​ന്റെ ഹ​രി​ത​സേ​ന​ക്കാ​ണ് മേൽ​നോ​ട്ട​ച്ചു​മ​ത​ല. 200 ഓ​ളം ഗ്രോ​ബാ​ഗു​ക​ളി​ലാ​ണ് തു​ട​ക്ക​ത്തിൽ തൈ​കൾ ന​ടു​ന്ന​ത്. മൃ​ഗാ​ശു​പ​ത്രി​യി​ലെ ജൈ​വ​മാ​ലി​ന്യ​ങ്ങൾ സം​സ്ക​രി​ച്ച് വ​ള​മാ​ക്കു​ന്നു​മു​ണ്ട്. ത​ക്കാ​ളി, മു​ള​ക്, വ​ഴു​ത​ന, കാ​ബേ​ജ്, പ​യർ, പാ​വൽ, ചീ​ര, ഇ​ല​ച്ചെ​ടി​കൾ എ​ന്നി​വ​യാ​ണ് കൃ​ഷി​യി​ന​ങ്ങൾ.
ജി​ല്ലാ മൃ​ഗ​സം​ര​ക്ഷ​ണ ഓ​ഫീ​സർ ഡോ. എ​സ്.എം. സാ​ബു അ​ദ്ധ്യക്ഷത വഹിച്ചു. ചീ​ഫ് വെ​റ്റ​റി​ന​റി ഓ​ഫീ​സർ ഡോ. കെ.കെ. തോ​മ​സ്, അ​സി​. ഡ​യ​റ​ക്ടർ ഡോ. ഡി. ഷൈൻ കു​മാർ, കൃ​ഷി ഓ​ഫീ​സർ രാ​മ​ച​ന്ദ്രൻ, ഡോ. എ​സ്. ല​താ​കു​മാ​രി തു​ട​ങ്ങി​യ​വർ സം​സാ​രി​ച്ചു.