തിരുവനന്തപുരം: ബന്ധുനിയമന വിവാദത്തിൽ മന്ത്രി കെ.ടി.ജലീൽ കൂടുതൽ സമ്മർദ്ദത്തിലായിരിക്കെ ജലീലിനെതിരെ കൂടുതൽ ആരോപണവുമായി അനിൽ അക്കര രംഗത്തെത്തി. അഭിമന്യു വധക്കേസിലെ പ്രതിയായ എസ്.ഡി.പി.ഐ നേതാവ് അടക്കം നിരവധി പേർക്ക് ജലീൽ നിരവധി അനധികൃത നിയമനങ്ങൾ നടത്തിയെന്ന് അദ്ദേഹം ആരോപിക്കുന്നു.

അനിൽ അക്കരയുടെ ആരോപണങ്ങൾ

• മാനദണ്ഡങ്ങൾ പാലിക്കാതെ കിലയിൽ പത്തുപേരെ നിയമിച്ചു
• നിയമനം കിട്ടിയവരിൽ അഭിമന്യു കൊലക്കേസിൽ പ്രതിസ്ഥാനത്തുള്ള എസ്.ഡി.പി.ഐ നേതാവും
• നിയമസഭയിൽ ചോദിച്ച ചോദ്യത്തിന് തെറ്റായ മറുപടി. ഇതിനെതിരെ സ്പീക്കർക്ക് അവകാശ ലംഘനത്തിന് പരാതി നൽകി
• 90 ദിവസത്തിൽ കൂടുതൽ ദിവസത്തെ ജോലിക്ക് എംപ്ലോയ്‌മെന്റ് എക്‌സ്‌ചേഞ്ച് വഴി നിയമനമെന്ന ഉത്തരവ് കാറ്റിൽപറത്തി
• പരസ്യമോ കൂടിക്കാഴ്ചയോ നടത്താതെ അപേക്ഷ പോലും വാങ്ങാതെ നിയമനം
• പ്രദേശവാസികളെന്ന വ്യാജേന പഞ്ചായത്ത് പരിധിയിൽ വരാത്തവർക്കും നിയമനം