ഗുരുവായൂർ: ലോക പ്രമേഹ ദിനത്തോട് അനുബന്ധിച്ച് ഹെൽത്ത് കെയർ ആൻഡ് സോഷ്യൽ വെൽഫെയർ അസോസിയേഷനും ചാവക്കാട് ഹയാത്ത് ആശുപത്രിയും സംയുക്തമായി പ്രമേഹ ബോധവത്കരണത്തിന്റെ ഭാഗമായി റൺ ഗുരുവായൂർ റൺ സംഘടിപ്പിച്ചു. ശ്രീകൃഷ്ണ സ്‌കൂളിൽ നിന്ന് ആരംഭിച്ച ഹ്രസ്വദൂര നടത്തം ഗുരുവായൂർ എ.സി.പി പി.എ. ശിവദാസ് ഫ്‌ളാഗ് ഓഫ് ചെയ്തു. റാലി നഗരം ചുറ്റി മഞ്ജുളാൽ പരിസരത്ത് സമാപിച്ചു. തുടർന്ന് നടന്ന സമാപന സമ്മേളനം കെ.വി. അബ്ദുൾ ഖാദർ എം.എൽ.എ ഉദ്ഘാടനം ചെയ്തു. ഹെൽത്ത് കെയർ പ്രസിഡന്റ് ആർ. ജയകുമാർ അദ്ധ്യക്ഷനായി. ഹയാത്ത് ആശുപത്രി എം.ഡി ഡോ. ഷൗജാദ് മുഹമ്മദ് മുഖ്യ പ്രഭാഷണവും പ്രമേഹ ദിന സന്ദേശവും നൽകി. ഗുരുവായൂർ നഗരസഭാ ചെയർപേഴ്‌സണൻ പ്രൊഫ.പി.കെ. ശാന്തകുമാരി, തൃശൂർ ജില്ലാ ഫുഡ്‌ബാൾ ഫെഡറേഷൻ വൈസ് പ്രസിഡന്റ് സി. സുമേഷ് എന്നിവർ മുഖ്യതിഥികളായി. എം.എ. ആസിഫ്, മുഹമ്മദ് ഷാക്കീർ, കൗൺസിലർ സുരേഷ് വാര്യർ, പി. സുനിൽകുമാർ, വിലാസ് പാട്ടീൽ, റഫീക്ക്, എ. സുനിൽകുമാർ, ഡോ. ഹരിഭാസ്‌കർ, പി.എം. ഷംസുദീൻ, ശശി മാസ്റ്റർ, വി. വേണുഗോപാൽ, ശിവശങ്കരൻ എന്നിവർ പ്രസംഗിച്ചു. വിവധ സംഘടനാ പ്രതിനിധികൾ, കൗൺസിലർമാർ, ശ്രീകൃഷ്ണ കോളജ്, മേഴ്‌സി കോളജ് എന്നിവിടങ്ങളിലെ വിദ്യാർത്ഥികൾ എന്നിവർ റാലിക്ക് അണിനിരന്നു. മാരത്തോൺ മത്സരവും സൗജന്യ പ്രമേഹ പരിശോധനയുമുണ്ടായി.